E fundit!

09:13 Kronika

Plagosja me armë zjarri e 35-vjeçarit në Pogradec/ Zbardhet ngjarja

Është zbardhur ngjarja e ndodhur një ditë më parë në Pogra...

Mbetet i ulët numri i rasteve të reja/ 4 të infektuar në 24 orë

13 Maj 2020, 09:03, Lifestyle CNA

Vijon të mbetet i ulët numri i rasteve të reja me koronavirus në Shqipëri.

Sipas Ministrisë së Shëndetësisë, gjatë 24 orëve të fundit janë konfirmuar 4 raste të reja, përkatësisht 2 në Berat dhe 2 në Tiranë.

Mes të prekurve është edhe grua shtatzënë, duke e çuar në total numrin në 6, nga të cilat 4 janë shëruar, një është hospitalizuar dhe rasti i fundit po trajtohet në kushtet e shtëpisë.

“Deri më sot janë konfirmuar pozitivë me COVID-19 në të gjithë vendin 880 qytetarë, 78 % e të cilëve janë shëruar. Në të gjithë vendin aktualisht janë 161 persona aktivë me COVID19, kryesisht ne Tiranë, Krujë, Shkodër. Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 21 pacientë dhe vetëm 1 prej tyre është në terapi intensive.

Nga fillimi i epidemisë, deri tani, në vendin tonë janë kryer 11578 testime, nga të cilat, 11,048 janë testime molekulare dhe 530 janë testime serologjike. Pavarësisht situatës së përmirësuar, Ministria e Shëndetësisë dhe Mbrojtjes Sociale thekson se është shumë e rëndësishme që qytetarët të ruajnë distancimin fizik dhe higjienën personale; bizneset të zbatojnë protokollet e sigurisë për të ruajtur shëndetin e qytetarëve.

Qytetarët duhet të jenë të kujdesshëm të mos neglizhojnë shenjat e sëmundjes Covid-19, ndaj ju lutemi telefoni në numrin unik të Urgjencës Kombëtare, 127.

Për informacion në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40. COVID-19 ? Statistika (13 Maj 2020) Testime të kryera 11578

Raste pozitive 876

Raste të shëruara 682

Raste Aktive 163

Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon: Tiranë 70

Krujë 49

Shkodër 16

Kamëz 12

Fier 5

Berat 3

Elbasan 2

Kurbin 1