web counter
LEXO PA REKLAMA!

SHKARKO APP

App Store
Google Play

E fundit!

x

"Materialet mjekësore i blemë me lekët tona"/ Rama tregon marrëveshjen me presidentin Erdogan

25 Mars 2020, 17:29, Politikë CNA

Gjatë mbledhjes online me ministrat e kabinetit të tij, kryeministri Edi Rama dhe ministrja e Shëndetësisë Ogerta Manastirliu folën për pajisjet mjekësore dhe për ndihmën e Turqisë në këtë moment të vështirë.

Manastirliu tha se materialet nga Turqia u morën në dorëzim dhe po shpërndahen, ndërkohë që theksoi se po presin të vijnë sërish pasjisje mbrojtëse.

Ndërkohë, kreu i qeverisë theksoi se materialet janë blerë me paratë tona dhe se Turqia me ndihmën e presidentit Recep Tayyip Erdogan ka hapur kanalin e eksportit.

“Duhet theksuar se janë materiale të blera nga qeveria jonë, pjesë e buxhetit të luftës, por nderi i madh dhe avantazhi është që qeveria turke hapi kanalin e eksportit me urdhër të Presidentit. Pasi vendet kanë mbyllur kufijtë dhe kjo e bën shumë të komplikuar këtë luftë dhe që ne tani të garantojmë rezerva dhe këto janë të konsiderueshme falë këtij kanali që kemi hapur. Është një hapje ekskluzive kanali, pasi si Turqia dhe Kina janë mbyllur për kërkesat, por me urdhër të presidentit u hap”, nënvizoi Rama./ CNA.al





Lajmet e fundit nga