web counter
LEXO PA REKLAMA!

SHKARKO APP

App Store
Google Play

Dhunohet para selisë së PS administratori i njësisë administrative/ Në kërkim 4 shtetas

11 Janar 2020, 12:35, Kronika CNA

Një ngjarje e rëndë ka ndodhur në Njësinë Administrative Gjocaj, në Peqin, ku është administratori i kësaj njësie është dhunuar para selisë së PS.

Sipas policisë është goditur 29-vjeçari B. H., i cili ndodhet jashtë rrezikut për jetën. Ndërkohë, për ngjarjen uniformat blu kanë shpallur në kërkim katër persona, si dhe proceduar në gjendje të lirë një tjetër.

?Shërbimet e Komisariatit të Policisë Peqin, pas njoftimit të marrë se disa persona kanë goditur me mjete të forta administratorin e Njësisë Administrative Gjocaj, kanë shkuar menjëherë në vendin e ngarjes.

Shtetasit që kishin goditur administratorin e Njësisë Administrative, sapo kanë parë Policinë janë larguar menjëherë.

Specialistët për Hetimin e Krimit në Komisariatin e Policisë Peqin, bënë shpalljen në kërkim të shtetaseve E. M., 30 vjeç, Xh. M., 23 vjeç, A. M., 32 vjeç, (vëllezër) dhe K. S., 35 vjeç, banues në Peqin dhe vijon puna për kapjen e tyre.

Gjithashtu, u procedua penalisht në gjendje të lirë edhe shtetasi N. M., 61 vjeç, banues në Peqin.

Këta shtetas, në bashkëpunim me njëri-tjetrin, në qytetin e Peqinit, për shkak të detyrës, kanë goditur me mjete të forta administratorin e Njësisë Administrative Gjocaj, shtetasin B. H., 29 vjeç, jashtë rrezikut për jetën.

Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.?-thuhet në njoftimin e policisë./ CNA.al





Lajmet e fundit nga