web counter
LEXO PA REKLAMA!

SHKARKO APP

App Store
Google Play

E fundit!

x

“Arroganca u ka zënë sytë”/ Leonard Olli “shuplakë” dyshes Rama-Veliaj

10 Gusht 2019, 12:42, Politikë CNA

Anëtari i Partisë Bindja Demokratike, Leonard Olli, e ka quajtur një marrëzi  dhe turp shtetëror memorialin për ushtarët turq.

Sipas tij, për marrëzi të tilla nuk duhet të fajësohet populli pasi nuk pati asnjë kërkesë, qoftë edhe formalisht që të mund të shfajësonte dyshen Rama-Veliaj.

Olli shkruan në rrjetet sociale, se arroganca u ka zënë sytë dyshes Rama-Veliaj ndërsa shton se ?mjafton të dëshmojnë “devotshmërinë” e rastit që ndoshta u jep dhe kockën e radhës…. Para saj atdheu nuk vlen një grosh.?

Postimi i Leonard Ollit

Sa i takon memorialit të marrëzisë rilindiste dhe turpit shtetëror, besoj se nuk mund të fajësojnë popullin sikundër kam vënë re në disa statuse. Nuk pati as formalisht ndonjë kërkesë nga ndonjë grupim i caktuar, çka mund të shfajësonte disi dyshen Rama-Veliaj. Është një marrëzi e turp sa institucional, po aq edhe diplomatik, madje në çdo nivel nga ta kapësh. Është një servilosje deri në pështirje absolute. Por ka dhe një aspekt ligjor, që besoj është anashkaluar si gjithmonë. Një memorial, përmendore apo gjithçka tjetër e këtij lloji nuk mund të vendoset në hapësira publike pa një vendim të Këshillit Bashkiak Tiranë. Sigurisht që numrat i kanë, por arroganca u ka zënë sytë dhe kam bindjen se këtë aspekt, edhe pse formal në këtë rast e kanë lënë pas dore. Mjafton të dëshmojnë “devotshmërinë” e rastit që ndoshta u jep dhe kockën e radhës…. Para saj atdheu nuk vlen një grosh…./CNA.al





Lajmet e fundit nga