web counter
LEXO PA REKLAMA!

SHKARKO APP

App Store
Google Play

E fundit!

x

Kopsiten dosjet për dhjetra zyrtarë/ Tre ish-ministra të Ramës rrezikojnë prangat

9 Shkurt 2019, 07:58, Aktualitet CNA

Vala e arrestimeve që ka nisur ditët e fundit pritet që të kapë dhe disa ish-ministra. Në qershor BE do të vendosë për negociatat me Shqipërinë dhe nëse nuk ka një vendim pozitiv, me shumë gjasë dhe për shumë vite të tjera nuk do të ketë. Dy kushtet e vetme që Brukseli ka vënë janë: Ngrija e SPAK dhe arrestimi i pushtetarëve të korruptuar.

SPAK po shkon drejt ngritjes dhe brenda qershorit zyrtarizohet. Por problemi më i madh është se deri më tani nuk ka pasur avancim të luftës ndaj korrupsionit.

Por gazeta Sot shkruan se dosja për ish-zyrtarët e Ministrisë së Drejtësisë nuk është e vetmja. Në ditët në vijim do të dalin në dritë dhe dosje dhe për ministri të tjera, ku të rrezikuar do të jenë dhe ish-ministrat. Rama bëri ndryshime drastike në qeveri dhe që aty u dhanë sinjalet se shefi i qeverisë i shtyu të larguarit drejt prangave.

Sipas kësaj gazeta, kohët e fundit kanë shpërthyer një sërë skandalesh dhe gazeta ka mësuar se janë 3 ish-ministra të PS që rrezikojnë të arrestohen. Brukseli e ka vënë kusht të padiskutueshëm se deri në qershor duhet të ketë arrestime në nivele të larta dhe paniku në radhët e mazhorancës është rritur. Shumë ish-ministra janë përfshirë në afera, të cilat edhe po hetohen nga prokuroria. Po ashtu, bashkë me ta të rrezikuar janë dhe dhjetra vartës të tyre.

Prokuroria po kopsit letrat edhe për shumë zyrtarë e funksionarë të lartë. Dalja në dritë e skandaleve të LSI gjatë kohës që drejtonte Ministrinë e Drejtësisë, është vetëm fillimi. Aty të rrezikuar janë edhe Ylli Manjani me Petrit Vasilin, por përveç tyre ka dhe shumë emra të tjerë që janë të rrezikuar.

Vetë ambasadori i BE e ka theksuar disa herë se vendet anëtare duhet të binden se Shqipëria po lufton korrupsionin. Përveç BE, presione për arrestime në nivele të larta ka dhe nga SHBA.





Lajmet e fundit nga