E fundit!

10:51 Aktualitet

Helmimi i kursantëve te Akademia e Sigurisë/ Reagon Policia e Shtetit

Në orët e mbrëmjes së djeshme dhe në orët e para të mëngje...

Skandal/ Miku i Ramës përfitoi tre leje ndërtimi brenda një viti

25 Janar 2019, 12:58, Aktualitet CNA

Zëdhënësja e Partisë Demokratike, Ina Zhupa ka thënë sot se miqtë e kryeministrit Edi Rama janë duke investuar paratë e bixhozit në biznesin e ndërtimit.

Në një deklaratë për mediat, Zhupa tha se miku i Ramës Daljan Avdia që ka qenë edhe pronari i kompanisë së bixhozit Apex ka marrë vetëm brenda këtij vitit tre leje ndërtimi.

?Miku i Edi Ramës, Dajlana Avdia pronari i kompanisë së bixhozit Apex është duke i investuar paratë në biznesin e ndërtimit.

Vetëm brenda një viti ai ka marrë tre leje ndërtimi në tre zona shumë të rëndësishme të kryeqytetit.?-u shpreh ajo.

Zhëdhënësja e PD theksoi se këto leje Dajlan Avdija i ka siguruar nga Rama dhe kryebashkiaku Erjon Veliaj.

?Avdia ka marrë leje ndërtimi nga Edi Rama dhe Erjon Veliaj në zemë të Bllokut, te Kulla e Sahatit dhe pas Presidencës.

Kohës së përdorimit të parave të pista nga Rama dhe Veliaj po i vjen fundi.

Duke u bashkuar me protestën e opozitës të ndalojmë këtë krim të rëndë.?-tha Ina Zhupa./CNA.al

Deklarata e plotë e Ina Zhupës:

Prokuroria e Tiranës njoftoi pak ditë më parë se ka nisur hetimet për shkeljen e ligjit nga kryeministri Edi Rama për dhënien e lejes së ndërtimit për një kullë mbrapa presidencës. Nisja e hetimeve erdhi si përgjigje për investigimin nga emisioni Ajsberg, por është krejt e pamjaftueshme.

Tirana është shndërruar në një lavatriçe të madhe parash të pista nga çifti më i korruptuar në Europë Edi Rama dhe Erion Veliaj. Ndërtimi mbrapa Presidencës është vetëm njëra prej godinave të larta, që do të ndërtohet me firmat e çiftit Rama-Veliaj, duke i hapur rrugë pastrimit të parave nga biznesi i bixhozit.

Aktualisht janë në ndërtim edhe kulla prapa Sahatit të Tiranës dhe ajo në zemër ish zonës së ish Bllokut.

Të treja ndërtimet në zonat më të mira dhe më të shtrenjta të Tiranës i janë dhënë një personi Dajlan Avdia? pronar deri pak kohë më parë i kompanisë më të madhe të bixhozit Apex.

Këto faktë, Partia Demokratike i ka denoncuar disa javë më parë, duke ngritur shqetësimin se kompanitë e bixhozit, klientë të Edi Ramës, po i investojnë paratë e bixhozit në fushën e ndërtimit me lejen e Edi Ramës dhe Erion Veliajt.

Të treja kullat do të zënë një sipërfaqe prej 54 mijë metrash katrorë, thënë ndryshe sa 6 fusha të mëdha futbolli, të dhëna për një person, që sipas denoncimeve të medias, ka lidhje të drejtpërdrejta me vëllain e kryeministrit Olsi Rama.

Edi Rama duhet t?u thotë shqiptarëve çfarë ka të veçantë Dajlan Avdia, i cili nuk ka patur kurrë më parë aktivitet ndërtimi, që i dha brenda pak muajve leje ndërtimi në 3 zonat më të shtrenjta të Tiranës, duke shkelur edhe ligjin.

Kohës së përdorimit të kryeqytetit si lavatriçe e pastrimit të parave të pista nga Edi Rama dhe Erion Veliaj po i vjen fundi! Qytetarët po ngrihen në protestë së bashku me opozitën! Duke bashkuar zërin në protestat tona në Tiranë dhe në të gjithë Shqipërinë, ne mund t?i japim fund modelit që punon për pasurimin e një grushti klientësh të pushtetit dhe kundër interesit të qytetarëve!