web counter
LEXO PA REKLAMA!

SHKARKO APP

App Store
Google Play

Vrasja e 18-vjeçarit në Greqi/ Ministria e Jashtme reagon ashpër

5 Dhjetor 2018, 14:21, Aktualitet CNA

Ministria për Evropën dhe Punët e Jashtme ka reaguar me tone të ashpra pas vrasjes se 18-vjeçarit Marios Isaku mbrëmjen e djeshme në Kavala të  Greqisë.

MEPJ (Ministria për Evropën dhe Punët e Jashtme) është shprehur e shqetësuar dhe e indijuar, pasi kjo është vrasja e katërt e një qytetari shqiptar brenda dy javëve në Greqi dhe autoritet po shfaqin vonesa në zbardhjen e këtyre ngjarjeve.

?Kjo është vrasja e katërt e një qytetari shqiptar brenda dy javëve të fundit. MEPJ shpreh shqetësimin për serinë e vrasjes së shqiptarëve në Greqi përgjatë dy javëve të fundit dhe në të njëjtën kohë solidaritetin me familjet e tyre. MEPJ shpreh indinjatën e thellë për humbjen e jetëve të bashkëkombasve tanë, ndjenja këto që thellohen nga vonesat në zbardhjen e këtyre ngjarjeve nga autoritetet greke.?-shkruhet në njoftim.

Më tej Ministria dënon ashpër këto akte ekstremizmi, të cilat cënojnë sigurinë dhe dinjuitetin e shqiptarëve.

?MEPJ dënon ashpër sfondin e ekstremizmit dhe gjuhës së urrejtjes që ka shoqëruar këto ngjarje në vendin fqinj dhe i bën thirrje autoriteteve greke për dënimin dhe vënien fre të çfarëdo përpjekjeje të Agimit të Artë apo segmentëve të tjera ekstremiste për të cënuar sigurinë dhe dinjitetin e shqiptarëve që punojnë e kontribuojnë në vendin fqinj. Nuk pranojmë kurrsesi të mësohemi as me thirrjet e tyre ksenofobe në kanalet e komunikimit dhe as me viktimizimin patetik e nacionalist të ndonjërit syresh që nuk lë rast pa sulmuar Shqipërinë në instancat evropiane?-thuhet në reagim./CNA.al





Lajmet e fundit nga