E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Diva Shqiptare/ Tefta Tashko Koço vjen në “vaj”

19 Korrik 2018, 12:37, Aktualitet CNA

Këngëtarja lirike e operave botërore, diva Shqiptare Tefta Tashko Koço, vjen për herë të parë në historinë e pikturës në vaj.

Piktorja Suela Pulaha Brown realizon për herë të parë një portret të sopranos së shquar shqiptare. Stili i përdorur në këtë pikturë e sjell divën e muzikës në një ndërthurje midis klasikes dhe periudhës në të cilën ajo pati sukseset e saj në skenat botërore e ato shqiptare.

Piktura ka fituar të drejtën të jetë pjesë e ekspozitës vjetore në kryeqytetin britanik në Londër. Tefta Tashko Koço, vjen në këtë pikturë në stilin e saj original dhe e përfshirë në elegancën korçare. Piktorja Brown tregon se ideja e realizimit të kësaj pikture ka nisur prej kohësh, si një dëshirë e saj për të sjellë në forma dhe trajta origjinale e të veçanta figurat e shquarar të historisë Shqiptare.

?Miti i Tefta Tashko Koços, duket se më ka shoqëruar gjatën në disa moment të rëndësishme të jetës sime, dhe një nga arsyet e përzgjedhjes së saj, është pikërisht kjo,- thotë piktorja Suela Pulaha Brown. ?Origjina e saj dhe zëri I mrekullueshëm që kish, kanë qënë pjesë e përditshme e qënies sime. Ndërsa një hapësirë të rëndësishme, diva e madhe, pati tek unë, kur prindërit vendosën të më arsimonin në shkollën me të njëjtin emër në qytetin e Korçës, shkolla Tefta Tashko Koço. ? shprehet Brown.?

Piktorja e frymëzuar nga elegance dhe fisnikëria e këngëtares lirike, vendosi ta sjellë atë, në një pikturë vaji, një teknikë kjo që përdoret për herë të parë në portretin e një prej perlave të lirikës shqiptare. Brown e ka sjellë portretin e divës në një sfond lluksoz, duke krijuar një piano të ngjashme me pianot antike pariziene të asaj kohe dhe me mure të dekoruara në ar, për të dhënë mesazhin dhe vlerësimin që ka piktorja për këtë perlë të artit shqiptar. ?Sfondin që kam përdorur në ambientin rrethues dhe muret e dekoruara i kam përshtatur për një muzikantë të kalibrit europian dhe kërkova që ta ndërthur me shijen europianë që nuk i mungon asnjëherë popullit tim,? – shprehet Brown.

Piktura vjen në përmasat 30 me 40 cm dhe teknika e përdorur nga piktorja është stili klasik i këtij arti që vetë Suelës i ka kushtuar mbi gjashtë muaj.

Piktorja Shqiptare Suela Pulaha Brown ka lindur në Korçë dhe studioi pikturë në shkollën e këtij qyteti, ndërsa ekspozitën e saj të parë e ka nisur që në vitin 1995. Studimet universitare i kreu në Angli ku u diplomua nga departamenti i Humanities në Universitetin e Gloucestershire. Broën jeton në Angli dhe pjesë e punës së saj të përditshme është promovimi i artit të pikturës në shumë ekspozita të ndryshme, në të cilat punimet e saj kanë patur një vëmendje të veçantë edhe nga pikturë-dashësit, por edhe nga kritika.