E fundit!

15:23 Aktualitet

"Zona që ilustron më mirë çfarë është keq në Shqipëri"/ Malltezi publikon pamje nga vendgrumbullimi i plehrave në Elbasan

Jamarbër Malltezi, në Ditën Botërore të Mjedisit, ka vizit...

Fotot/ Pjetër Arbnori bashkon politikën shqiptare

19 Korrik 2018, 08:07, Aktualitet CNA

Është përuruar sot në sheshin para sallave ku zhvillohen seancat plenare, busti i ish-kreut të Kuvendit të Shqipërisë, Pjetër Arbnori.

Në këtë aktivitet ka pasur dhjetëra të pranishëm, mes të cilëve të majtë të dhe të djathtë.

Edhe pse të ndarë për shumë çështje, sot politika është bërë bashkë në përurimin e busitit të Pjetër Arbnorit. Në ceremoni ka qenë familja Arbnori, bashkëshortja Suzana, fëmijët Justina dhe Filipi. Po ashtu, në këtë aktivitet kanë qënë të pranishëm të majtë e të djathtë. Veçojmë këtu ish-kryeministrin Sali Berisha, i cili zbuloi shtatoren, ish-kryetarja e Kuvendit Jozefina Topalli po ashtu ishte e pranishme në këtë aktivitet. Ish-ministri genc Ruli, i cili u pa të përshëndeste Berishën dhe kreun aktual të PD, Lulzim Basha.

Po ashtu në aktivitet ishin edhe shumë figura nga e majta shqiptare, ndërsa i mungonte kryeministri Rama.

Kreu i Kuvendit Gramoz Ruçi, nën kujdesin e të cilit është organizuar ceremonia tha para të pranishëve në fjalën e tij se Pjetër Arbnori mbeti njeri i dashur për njerëzit.

Pas fjalës së Ruçit një fjalë përshëndetëse mbajti miku i Arbnorit, ish-ministri i Jashtëm Besnik Mustafaj, i cili e cilësoi Arbnorin si ?Mandelën? e shqiptarëve.

Por Mustafaj i ka kujtuar Ruçit se po të ishte sërish në parlament Pjetër Arbnori do ishte sërish kundërshtar i tij.

?Ne kemi njohur Pjetër Arbnorin e kohës së lirisë, një burrë i pjekur dhe i ditur. I aftë për t?i treguar vendin të vetit dhe kundërshtarit politik. Ne kimi parë se fuqia e jashtëzakonshme e karakterit të tij, durimi dhe burrëria e tij buronin nga bindja se Shqipëria bëhet dhe atë do e bëjnë shqiptarët.
Pjetër Arbnori kishte të drejtë t?i thoshte të tjerëve dhe vetes se po jetonte ëndrrën personale. Kjo është ditë për reflektime. Po të ishte sërish në sallë, kam bindjen se do ishte sërish kundërshtar i Gramoz Ruçit?, tha Mustafaj./ CNA.al