web counter
LEXO PA REKLAMA!

SHKARKO APP

E fundit!

x

Deputeti i opozitës:Të hapen sa më parë negociatat me BE-në!

28 Maj 2018, 21:10, Aktualitet CNA

Deputeti i Partisë Demokratike, Enkelejd Alibeaj i ftuar në “Tonight”, ndër të tjera është prononcuar edhe për fatin europian të vendit. Lidhur me hapjen e negociatave ai thotë se ato duhet të të hapen sa më parë, pasi kështu qeveria kontrollohet më mirë .

“Pas një muaji do të duhet të merret një vendim i madh nga BE. E duam një orë e më parë çeljen e negociatave sepse në këtë situatë ku krimi dhe qeveria janë bërë njësh, një aliazh ky shumë i rëndë për të ardhmen e vendit, do të duhet të ketë sa më shumë aleat për t’u përballur me këtë përbindësh që quhet qeveri. Ne besojmë që hapja e negociatave do të duhet të jetë një mjet për ta vendosur në mbikëqyrje këtë qeveri, djalli që ka dalë nga shishja. Sot ajo që u vendos është respekt të të gjithë shqiptarëve për integrimin në Evropë, opozita ka marrë përsipër tashmë e vetme, pikërisht atë që quhet interesi më i madh i shqiptarëve të bëjnë ç’është e mundur për të hapur negociatat”, ka vlerësuar Alibeaj./CNA.al





Lajmet e fundit nga