E fundit!

14:29 Aktualitet

Sezoni turistik 2026/ Fluks vizitorësh, por sfidat mbeten

Plazhet shqiptare janë mbushur me vizitorë, ndërsa sezoni ...

Video ekskluzive-Protesta e opozitës pas kuintave/ Nga tensionet dhe përplasjet, te habia e turistëve

26 Maj 2018, 16:23, Aktualitet CNA

Protesta e 26 majit nxori në shesh më shumë se 1500 forca policore…

Uniformat blu ndërmorën masa të rrepta sigurie gjatë protestës së sotme, duke vendosur një kordon të gjatë policie për të mos lejuar as mjetet, por edhe as persona të futen sidomos në rrugët ku ishin dislokuar mjetet e shumta pranë institucioneve të rëndësisë së veçantë.

Temperaturat e lartë ndoshta kanë bërë që ndonjë protestues të mos ndihet mirë, e për këtë është nxjerrë jashtë turmës, për t?ju dhënë ndihmë mjekësore.

Vetëm pak minuta pasi u shënua përplasja e parë mes protestuesve dhe kordonit të policisë që mbronte kryeministrinë, në rrugë i shoqëruar nga shumë badigardë është parë dhe lideri historik i PD-së, Sali Berisha, i cili ka gjetur rastin të përshëndetet me simpatizantët dhe të bëjë selfi.

Ndërkohë që në shesh nuk kanë munguar as incidentet. Përplasja mes protestuesve dhe policisë çoi në plagosjen e katër punonjësve nga radhët e uniformave blu si dhe shefit të njësisë operacionale.

Drejtuesit e policisë thanë se kanë evidentuar personat problematik dhe vetëm më pas do të vendoset për shoqërime.

Edhe pasi turma është zhvendosur në Ministrinë e Brendshme, kryeministria ka qëndruar ende e rrethuar nga policia, ndërsa provat e sulmit ndaj saj janë këto mjete të përdorura nga protestuesit.

Pasi qëndruan për rreth një orë te Ministria e Brendshme, thirrja për t?u tërhequr ka sjellë edhe përplasje mes protestuesve dhe drejtuesve të PD.

Aldo Bumçi është rrethuar nga simpatizantë të pakënaqur me organizimin, të cilët i kanë kërkuar llogari.

Të vetmit që mbetën në sheshin pranë pedonales, pas thirrjes për terheqjen e protestuesve në selinë e PD-së, ishin turistët e huaj dhe policia që mban në ruajtje Ministrinë e Brendshme.

…” një gjë të tillë se kam parë kurrë, çfarë po ndodh?…kjo në Hollandë ndodh vetëm kur ka ndeshje futbolli, kaq shumë policë s?kam parë kurrë veç ne këtë rast?

Siparin e protestës së PD e kanë ulur punonjësit e pastrimit të Bashkisë, të cilët mes turmës së protestuesve dhe turistëve që vizitojnë Tiranën , janë përpjekur të vënë pak rregull dhe pastërti./ CNA.al