web counter
LEXO PA REKLAMA!

SHKARKO APP

App Store
Google Play

E fundit!

x

"Helmimi i 12 grave në fasoneri, ngjarje e paralajmëruar"

26 Maj 2018, 15:48, Aktualitet CNA

12 gra janë helmuar ditën e sotme në një fabrikë fasonerie në Durrës.

Pas kësaj ngjarje ka reaguar edhe Konfederata e Sindikatave të Shqipërisë, e cila me anë të një deklarata për mediet shprehet se, “Helmimi i 12 grave në fasoneri, ngjarje e paralajmëruar” por sipas Sindikatës, pavarësisht kësaj politika vijon e merret me Babalen.

Reagimi i plotë:

Helmimi i 12 grave në fasoneri, ngjarje e paralajmëruar dhe politika që merret me Babalen ..

Helmimi i 12 punonjësve të një fasonerie në Durrës është një ngjarje e parlajmëruar nga Konfederata e Sindikatavë të shqipërisë, e cila i ka evidentuar fasoneritë, si subjektet që shkelin në masë të drejtat e punonjësve.

Përveç pagave të ulëta, trajtimit skllavërues, sot 12 gra janë helmuar në ambientet një fasorenie në Durrës.

Inskeptorët e Punës mjaftohen me një bashkish nga pronarët e fasonerive, e mbyllin sytë përpara katrahurës në këto subjekte.

Ndërkohë opozita dhe shteti merren me babalen dhe sojin e tyre, që skanë lidhje më punën e ndershme, punonjësit shqiptarë vijojnë të trajtohen si skllevër nga pronarët e fasonerive, që na u sollën si arritje e madhe nga LSI gjatë kohës që ishte ende pjesë e tepsisë.

Konfederata e Sindikatave i bën thirrje Kryeprokurores, Arta Marku, të vërë në lëvizje Prokurorinë dhe Policinë e Durrësit.

Kjo ngjarje nuk duhet kaluar në heshtje pasi nëse sot heshtim për një helmimin, nesër mund të përballemi më një tragjedi më të madhe në këto fasoneri ose ndryshe biznese që skllavërojnë punonjësit shqiptar.

Shkrirja e Ministrisë së Punës ka filluar të japë pasojat e saj, duke eleminuar përgjegjësinë nëpërmjet hallkave të zbatimit të ligjit të punës. Pranë Inspektoriateve të Punës mungojnë kapacitetet njerëzore për të kryer kontrolle rigoroze si dhe masat ndëshkuesë, ka vite që nuk aplikohen.

Subjektet fasone nuk kanë mjekë pranë stafeve të tyre, e këshillat e sigurisë dhe shendetit në punë janë inegzistentë në çdo drejtim. Llogaridhënia po kthehet në një monolog me videokonferenca të shëmtura të qeverisë, ndërsa denoncimet e Konfederatës së Sindikatave bien në vesh të shurdhër. Arben Ahmetaj ka ka eleminuar qëllimisht institucionet e varësisë për dialog social me synimin për të zbehur rolin e sindikatave. I kujtoj Ahmetajt dhe Rames se sindikatat nuk dalin në protestë për histori babalesh, por për të drejtat e tyre dhe shumë shpejtë do përballet me ne. /CNA.al





Lajmet e fundit nga