web counter
LEXO PA REKLAMA!

SHKARKO APP

App Store
Google Play

72-vjetori i shpalljes së Republikës

11 Janar 2018, 15:04, Aktualitet CNA

Plot 72 vjet më parë, më 11 janar të vitit 1946, qeveria komuniste e Kryeministrit Enver Hoxha, me anë të një Asambleje Kushtetuese të përbërë nga 82 deputetë, të dalë nga zgjedhjet e 2 dhjetorit 1945, shpalli Shqipërinë Republikë.
11 janari ngelet si një datë ku humbi monarkia dhe u kthye në Republikë Parlamentare, por pavarësisht kësaj kjo datë nuk është festë zyrtare. Arsyeja sipas historianëve mbetet në pikëpyetje.

Sipas Dr. Kesiana Lekbellos, Shqipëria ka dy Republika, e para është ajo e 25 janarit 1925, e Ahmet Zogut, i cili dy vite më vonë u zgjodh President, e pas kësaj ai mohoi Republikën dhe shpalli Monarkinë.

Republika e dytë është ajo e 11 janarit 1946, që shënon rënien e Monarkisë, dhe njëkohësisht fillimin e instalimit të sistemit komunist, i cili do të kthehej në sistem diktatorial.

Dr. Lekbello shprehet se, “Republika e dytë e 11 janarit 1946 nuk lindi pa dëshirën e popullit, sepse populli jo vetëm zgjodhi delegatët për të marrë pjesë në Asamblenë Kushtetuese, përbërë nga 82 deputetë, të dalë nga zgjedhjet e 2 dhjetorit 1945.” Për këtë Lekbello shprehet se duhet të ishte festë e shënuar sepse është e votuar nga etërit tanë.

Sipas saj, “Duke festuar ditën e Republikës së 11 janarit 1946, Ne përkujtojmë idealin e një populli për të pasur të drejta të barabarta, kjo ditë ishte dhe mbetet festa e vërtetë, të cilën për opinione të dështuara, për fat të keq ne kemi mohuar dhe nuk festojmë.” /CityNews





Lajmet e fundit nga