Tre arsyet përse Basha përjashtoi kritikët

11 Janar 2018, 11:55, Aktualitet CNA

Përjashtimi i elitës së vjetër nga lista e kandidatëve për deputetë ishte vetëm fillimi i ?krasitjes politike? i Partisë Demokratike.

Ndëshkimi i zërave kritikë nga Lulzim Basha me anë të listës së kandidatëve apo siç quhet ndryshe, ?lista e natës?, ka sjellë pasoja të pashmangshme për fatin politik të Partisë Demokratike, për disa arsye.

Në fakt, ka më shumë se sa tre arsye, por koha po tregon dhe po zbulon tre, tashmë të faktuara politikisht.

E para Basha do të tentonte qeverisjen me Edi Ramën, në rast se ky i fundit nuk do të siguronte 71 mandate ashtu siç kishte deklaruar në fushatë.

Duke parë se për t?i funksionuar më tej marrëveshja nuk duhej të kishte pengesa, hoqi nga listat e kandidatëve duke përjashtuar të paktën 7 zëra të fortë, të cilët do ta kundërshtonin aleancën me Edi Ramën dhe mund ta pengonin Lulzim Bashën në rrugën e tij të qeverisjes me Ramën dhe nga ana tjetër mund t?i dilnin si një fraksion politik më vete nga brenda Kuvendi, çka mund ta dëmtonte së tepërmi Bashën, i cili kishte vendosur në marrëveshjen e 18 majit, që në shtator të qeveriste me Edi Ramën.

Opsioni i dytë që ai ka pasur në diskutim ishte që në rast se nuk do të arrinte dot të qeveriste me Ramën, të mos lejonte LSI -në e Metës të hynte në Qeveri, për të shkaktuar një krizë politike dhe për të dobësuar Kryeministrin.

Duke gjetur mundësinë më tej që PD dhe LSI të bënin mazhorancën parlamentare dhe në këtë rast senatorët e PD -së do të ishin kundër qëndrimeve të Bashës, pasi aleanca me LSI ?në, sërish do të ishte në dëm të demokratëve dhe këtu PD mund të vuloste shkatërrimin e saj përfundimtar.

Këto dy opsione ishin të ditura nga Basha dhe për të hapur rrugën ose me Ramën në Qeveri ose me LSI-në, në opozitë, në të dyja rastet Bashës nuk i duheshin kritikë, të cilët i shihte si pengesë, të cilët ashtu sikundër ndodhi në zgjedhjet e 25 qershorit dhe po ndodh aktualisht gëzojnë më shumë mbështetje se Lulzim Basha në bazën e PD ?së, për shkak të qëndrimeve të tij përçarëse, dualiste dhe të paqarta.

Dhe një arsye e tretë dhe ndoshta më e forta nga të gjitha është se zërat kritikë të Lulzim Bashës janë më të fortë dhe gëzojnë mbështetje absolute në bazën e PD -së.

Qenia e tyre në grup parlamentarë, artikulimi i tyre dhe qëndrimet e tyre politike nga Kuvendi do ta sfumonin zërin e Bashës, i cili shpesh është një zë i mekur pas Berishës.

Topalli me forcën e saj, Bode me argumentat teknikë dhe komikë, Patozi me analizën dhe ironinë e tij brilante politike e shumë e shumë zëra të tjerë si Bregu për integrimin etj etj, daullen e çarë të Lulit do ta bënin që të mos dëgjohej aspak.

Pra, opozita do të ishte një orkestër e shkëlqyer të cilën Basha nuk e donte sepse halli i tij nuk është të bëjë opozitë apo nesër të qeverisë vendin, pasi ka bërë betejë politike dhe morale për interes të shqiptarëve.

Luli është frikacak dhe nuk do të jetë i vetëm në opozitë ndaj edhe do Monikën afër, por më shumë se aq do dhe një karrige të ngrohtë pushteti dhe disa llokma nga tepsia e Edi Ramës.

Lulzim Basha zgjodhi të ishte në Qeveri me Edi Ramën, por shqiptarët nuk ia dhanë mundësinë.

Ai në opozitë kërkonte Monikën të cilën tani e ka në krah, prandaj edhe largoj edhe tentoj të lërë në hijë senatorët dhe zërat me peshë politike në PD, për dy pazare të tij të fëlliqura, për të cilat e donte rrugën e hapur.

Pasojat tashmë i shohim dhe i lexojmë të gjithë.

Megjithëse për Bashën kjo s?ka rëndësi, ai do të ketë partinë e tij të mbushur me servilë dhe të paaftë, pavarësisht se mund të kantandiset me dhjetë apo njëzet deputetë./CityNews