web counter
LEXO PA REKLAMA!

SHKARKO APP

App Store
Google Play

Lëvizjet në prokurori/ Paditet penalisht Arta Marku

10 Janar 2018, 10:12, Aktualitet CNA

Pas bashkëshortes së tij, prokurores Rovena Gashi, edhe Dritan Gina, ish-drejtuesi i Prokurorisë së Elbasanit, i cili u shkarkua nga kryeprokurorja e përkohshme Arta Marku, ka ngritur padi penale ndaj kësaj të fundit, duke e akuzuar për shpërdorim të detyrës.

Gina pretendon se shkarkimi i tij është i paligjshëm dhe ka deklaruar se nuk do të lejojë që të nëpërkëmbet.

Në një prononcim për mediat nga Gjykata e Krimeve të Rënda, sot Gina është shprehur se i nënshtrohet vetëm Kushtetutës dhe ligjit.

“Më vjen keq që përfaqësues të popullit flasin në emër të prokurorëve. Unë doja të theksoja që asaj që i kushtoj më shumë rëndësi që unë nuk lirova zyrën. Unë jam profesionist, unë e kuptoj që me kokëfortësi nuk çahet. Nuk pretendoj të rri në atë zyrë, pasi puna e prokurorit ka të bëjë me raportin administrativ dhe përfaqësimin, që ka të bëjë me thesarin, etj. Pasi firma ime nuk njihet më, por edhe zyrat e shtetit që nuk e njohin më firmën time. Reagimi dje ishte i një prokurori që nuk lejon të nëpërkëmbë mua apo kolegët. Këtu është bërë Shqipëri hesapi”- u shpreh Gina.

Kjo është padie e dytë ndaj kryeprokurores Arta Marku, pasi ditën e djeshme edhe prokurorja Rovena Gashi ka ngritur padi penale ndaj Arta Markut, për shkarkimin e saj nga detyra./ CityNews





Lajmet e fundit nga