web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria ka nevojë për opozitë, jo për pazarin e Lulit me Monën

10 Janar 2018, 09:35, Aktualitet CNA

Nga një sondazh konfident, publikuar së fundi, i cili është bërë nga një kompani prestigjioze ndërkombëtare, rezulton se fatkeqësisht Partia Demokratike ka një rënie në krahasim me zgjedhjet e 25 qershorit, por më të fortë rënien e ka kryetari i saj, Lulzim Basha, i cili ndoshta është i vetmi kryetar partie që në opinionin publik ka shumë më pak përqindje besimi se partia. Partia Demokratike kuotohet me 25-27%,  ndërsa Basha është rreth 20%.

Ky sondazh dhe kjo rënie e mëtejshme e Partisë Demokratike dhe liderit të saj është një ?sirenë? e fortë alarmi jo vetëm për demokratët, por për shqiptarët dhe demokracinë në Shqipëri.

Shqipëria sot më shumë se kurrë ka nevojë për opozitë.  Lulzim Basha dhe Partia Demokratike po shkojnë në një rrugë pa krye. Kryetari i PD-së me lëvizjet e tij po i jep goditje të forta kësaj force politike, duke e dobësuar edhe më tej.

Koalicioni me LSI-në apo pazari i Lulit me Monikën në vend që të forconte kuotat e opozitës dhe Lulzim Bashës, i ka ulur dhe dobësuar shumë fort ato.

Me sa duket shqiptarët e kanë perceptuar negativisht dhe e kanë quajtur edhe më të pabesueshëm Lulzim Bashën pas lëvizjeve të tij dhe vendimit për të dalë në një koalicion opozitar me kryetaren e LSI, Monika Kryemadhin.

Lulzim Basha rrëmbeu Monikën dhe LSI-në që ka tetë vjet në pushtet dhe ende nuk ka ftohur karrigen e pushtetit, pa folur për skandalet e LSI-së dhe ministrave të saj.

Sot Shqipëria ka nevojë më shumë se kurrë për një opozitë reale dhe të fortë. Lulzim Basha i kishte të gjitha shancet, por në vend që të zgjidhte përballjen me Edi Ramën si parti që udhëheq opozitën, Luli zgjodhi koalicionin me Monën, duke i çuar kuotat e tij dhe të PD-së në nivelet më të ulëta historike dhe ndoshta drejt një rruge pa kthim.

Shqiptarët çdo ditë po kërkojnë një opozitë të vërtetë dhe Lulzim Basha nuk mund ta bëjë këtë me Monikën./ CityNews





Lajmet e fundit nga