web counter
LEXO PA REKLAMA!

SHKARKO APP

App Store
Google Play

E fundit!

x

Çmendet moti/Po afrohet Saharaja , pritet të sjellë shiun e "kuq"

8 Janar 2018, 08:27, Aktualitet CNA

Pranvera nuk vjen me një lule, thotë gjuha e popullit dhe në është e drejtë.

Moti i mirë i këtij fillim viti me sa duket nuk do vazhdojë edhe për shumë.

Kështu, erërat që do vijnë nga jugu gjatë ditëve në vijim, pritet të sjellin në Europë sasi të mëdha të rërës nga shkretëtira e Saharasë.

Rëra dhe pluhuri pritet që të arrijë edhe në vendin tonë më 8 janar, dhe kjo do të vazhdojë për disa ditë. Erërat e ngrohta sjellin në Europë rërën afrikane çdo vit, vetëm se ndonjëherë sasia është më e madhe.

Këtë viti, parashikohet që erërat do arrijnë deri në territorin britanik, çka do të thotë se edhe pjesa më e madhe e Europës do jetë e përfshirë.

Një fenomen i tillë atmosferik ka ndodhur edhe para 2 vitesh dhe përveç rërës, stuhia dhe erërat e forta, pritet të sjellin edhe ajrin e ngrohtë, por edhe shiun apo borën e ?kuqe?.

Shiu i ?kuq? quhet fenomeni kur rëra e sjellë nga erërat përzihet me reshjet e shiut dhe merr ngjyrë të kuqërremtë.

Rëra e pluhuri zakonisht vjen nga shkretëtirat, pasi erërat e ngrohta e mbartin atë me qindra e mijëra kilometra nëpër atmosferë, ndërsa bie në tokë kur bashkohet me reshjet.

Shiu i kuq është hasur me mijëra vjet më parë, ndërsa për të mund të lexohet edhe në Iliadën e Homerit./CityNews





Lajmet e fundit nga