web counter
LEXO PA REKLAMA!

SHKARKO APP

App Store
Google Play

Basha fsheh listën e anëtarëve të PD që do votojnë/Çfarë bëri në debatin e Korçës

13 Korrik 2017, 21:42, Aktualitet CNA

Kandidati në garë për kreun e Partisë Demokratike, Eduard Selami, ka kritikuar ashpër rivalin e tij, Lulzim Basha.

Në një reagim në rrjetet sociale, Selami ka deklaruar se gara është e pabarabartë nga ana strukturore, dhe se Basha nuk po mban premtimin për debat të hapur.

Ai sjell në vëmendje rastin e Korçës, duke thënë se debati nuk ishte i hapur për mediat dhe publikun, ndrësa i kërkoi kundërshtarit, aktualisht kryetari i vetëngrirë i PD, të bëjë publike listën e anëtarëve të partisë demokratike, të cilët do të votojnë.

Reagimi i plotë:

Të dashur miq.
Gara për kryetar të Partisë Demokratike është në kulmin e saj. Ju falenderoj të gjithëve për mbështetjen që më keni dhënë këtë periudhë.
E kam thënë më parë se kjo garë është e pabarabartë nga ana strukturore por është tërësisht e fitueshme.
Unë dua që PD t?i kthehet edhe njëherë vlerave demokratike dhe perëndimore të saj.
Për këtë, i kërkoj zotit Basha të mbajë premtimin që më ka bërë se debatet mes nesh do të bëhen të hapura për mediat dhe për publikun. Kjo nuk ndodhi në debatin e Korçës.
Së dyti, i kërkoj të bëjë publike listën e anëtarëve të partisë demokratike të cilët do të votojnë. Nuk ka asnjë arsye që këto lista të mbahen të fshehta, ne nuk jemi parti e jashtëligjshme. Duhet transparencë. Anëtarët e PD janë krenarë që janë demokratë dhe nuk kanë frikë që të fshehin anëtarësinë ndaj hape partinë zoti Basha! Së bashku do ta fitojmë këtë garë dhe do dalim më të fortë./CityNews





Lajmet e fundit nga