web counter
LEXO PA REKLAMA!

SHKARKO APP

App Store
Google Play

Astrit Patozi shpall kandidaturën për kreun e PD/Kërkon garanci dhe tregon kërkesat

1 Korrik 2017, 16:12, Aktualitet CNA

Ish-nënkryetari i Partisë Demokratike, Astrit Patozi, ka dalë në një deklaratë për media, ku ka deklaruar publikisht se do të kandidojë për kryetar të PD.

Patozi tha prerë se do jetë pjesë e garës, nëse ajo do të jetë e drejtë. Më tej, ish-deputeti demokrat bëri të ditura dhe kërkesat që, sipas tij, do ta bënin garën të drejtë.

Ja deklarata e Patozit:

Jam këtu sot që të marrë të gjitha përgjegjësitë e mia. I mbështetur nga një numër shumë i madh anëtarësh, deklaroj se jam i gatshëm të kandidoj si kryetar i PD-së, në rast se ka garanci për zgjedhje të ndershme.

Kërkoj rregulla të pastra loje.

1.Dorëheqje të menjëhershme dhe jo ngrirje të Lulzim Bashës. Vendosja e tij si çdo kandidat tjetër që do të futet në garë. Largimi i tij së bashku me stafin nga selia. Largimi i të gjithë kandidatëve nga selia.

2.Garantimi statutot i garës.

3.Sekretari i Përgjithshëm të marrë në dorë databasen e anëtarësisë.

4. Listat e zgjedhësve të mos u jepen kandidatëve jo më vonë se 3 ditë para zgjedhjeve.

5. Kohë të mjaftueshme për fushatë.

6. Të ngrihet një komision për auditimin e garës. Ky komision duhet të ketë në përbërje një numër të njëjtë anëtarësh nga kandidatët në garë.

Këto kërkesa janë garancitë minimale që të shkohet në një proces të drejtë. Pas këtij parashtrimi ftoj Bashën të dalë nga ambiciet personale. Jam gati të punoj me të për një garë reale. Por në rast se kërkesat tona nuk do të plotësohen, ai do të marrë të gjitha mundësitë e hedhjes në erë të daljes së PD-së nga gjendja aktuale. Pas kësaj çdo anëtari i lind e drejta të refuzojë këtë farsë elektorale./CityNews





Lajmet e fundit nga