web counter
LEXO PA REKLAMA!

SHKARKO APP

App Store
Google Play

BDI fillon kontaktet me VMRO-DPMNE-në, takimi i parë është realizuar mbrëmë ora 23!?

22 Dhjetor 2016, 11:01, Aktualitet CNA

Larg syve të opinionit, por edhe larg syve të anëtarësisë partiake, BDI ka filluar kontaktet e para me VMRO-DPMNE-në, njofton për Gazetën Lajm një burim i lartë nga partia ?integriste?. Sipas tij, takimi i parë është realizuar mbrëmë në ora 23, në diskrecion të madh në një lokal në Shkup.

Burimi jonë thotë se takimi është realizuar mes dy bashkëpunëtorëve të afërt të Gruevskit dhe Ahmetit, prandaj supozon se kryetarët e këtyre dy partive kanë njohuri.

?Deri sa kryetari jonë po bën apel për bashkim të partive shqiptare, bashkëpunëtorët e tij më të afërt kanë filluar negociata me përfaqësues të VMRO-DPMNE-së. takimi është realizuar mes dy figurave që shpesh dëgjohen duke biseduar mes veti edhe te ?bombat? e publikuara nga Zaevi?, thotë ky burim partiak, që insiston të mbetet anonim.

Burime partiake vlerësojnë se temë kryesore e takimit duhet të ketë qenë Tearca, respektivisht ndihma që BDI mund të ja ofrojë VMRO-DPMNE-së që të mos humbë deputetin e rrezikuar në njësinë numër 6 dhe të ruajë përparësinë 51:49 ndaj LSDM-së. ky takim, sipas tyre do të jetë uverturë në bisedat për koalicion qeveritar, sepse si duket VMRO dhe BDI nuk e kanë ndërmend ta ndërprejnë ?jaraninë? tetëvjeçare as pas 11 dhjetorit.

Nga BDI rrallëherë prononcohen në pyetjet e Gazetës Lajm. Sidoqoftë ne mbetemi të hapur për reagim eventual të tyre gjatë ditës.





Lajmet e fundit nga