E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Veliaj në tendera të dyshimtë me shkelje të rënda ligjore

9 Tetor 2016, 11:45, Aktualitet CNA

Kreu i këshilltarëve të Partisë Demokratike në Bashkinë e Tiranës Leonard Olli në një deklaratë për mediat tha se kryetari i bashkisë së Tiranës është përfshirë në tendera të dyshimtë me shkelje të rënda ligjore.

?Erjon Veliaj është përfshirë në një valë tenderash të dyshimtë, me shkelje të rënda ligjore që janë afera të pastra korruptive. Media ka zbuluar se Veliaj jo vetëm i bën tenderat pa garë, pa konkurim, por del se fituesi i paracaktuar prej tij ka falsifikuar dokumentet. Prokuroria ka nisur hetimet për këtë rast, por një zbardhje e plotë e rrethanave do të ishte në interes të publikut, për të kuptuar se si një operatori me dokumenta false i jepen 1 miliardë e 200 milionë lekë?, tha Olli.

Kreu i këshilltarëve bashkiak të PD-së Olli tha se Veliaj jep tender pa garë dhe një personi që e ka mik të tijin.

?Prokurimi është bërë me 22 shkurt të këtij viti dhe i është dhënë firmës Ecologica Albania, me negocim, pa tender, pa garë, pa shpallje. I gjithë fondi i jepet mikut të Erion Veliajt edhe pse është shumë më tepër se fondet e nevojshme për pastrimin e asaj zone të Tiranës. Miku i Erionit merr taksat e qytetarëve të Tiranës dhe paraqitet në Bashki me letra false?, tha Olli.

Ai kërkoi hetim të plotë nga prokuroria për këtë çështje dhe dhjetëra afera të tjera, për të cilat ajo ka heshtur deri tani.

?Deri tani prokuroria ka heshtur për dhjetëra afera të Veliajt, të denoncuara me fakte dhe prova. Tani është koha për një hetim të plotë ku të dalin të gjitha përgjegjësitë e Erion Veliajt që e ka kthyer bashkinë në pazar tenderash me vjedhje të drejtpërdrejt, e tani dhe në shërbim të mafias së plehrave. I bëjmë thirrje qytetarëve dhe bizneseve që janë në darën e taksave të larta të Veliajt duhet të bashkohen për t?i treguar vendin këtij hajduti që abuzon kaq hapur me paratë e djersës dhe sakrificës suaj?, theksoi Olli në deklaratën e tij. /Citynews.al