Denion Mejdani: Droga gëlon kudo

6 Tetor 2016, 08:36, Aktualitet CNA

Në një shkrim të tijin djali i ish-presidentit Mejdani, thotë se ?Droga gëlon kudo? dhe megjithëse akuzat në media sipas tij, janë të hapura, Denion Mejdani thekson se : ?askush nga Ministria e Brendshme nuk denjon të japë shpjegime?.

Ai i quant përralla daljet publike të ministrit të Brendshëm, ndërsa nuk thuhet asgjë për një problem madhor e aktual si droga në vend.

?Dhe e gjitha kjo, kur prej andej dhe kupola e saj flitet për përralla mjedisore-ambientaliste dhe konspiracione politike-mediatike! Shqetësimi bëhet akoma më i madh kur lexohet se disa oficerë policie kanë folur nën zë se parcelat e fundit kanë qenë të kushërinjve të Ministrit, madje është pohuar se atje është ngritur një postë policie apostafat për t?i ruajtur plantacionet dhe për të garantuar mbarëvajtjen e tij. Është pretenduar deri për deklarime false…
Këto janë akuza serioze e Ministri s?mund të dalë nëpër konferenca për teatro ambientaliste, kur votoi dhe ai vetë ligjin për të mundësuar importimin e tonelatave me mbetje. Apo, akoma, s?mund të dalë e të atakojë median pa u dhënë përgjigje ligjore këtyre akuze tejet të rënda!?, thotë Denion Mejdani.

Më tej Mejdani analizon situatën duke nënviuar se policia është në kos.

?Aq më tepër që mësohet se aksioni qenka i drejtuar nga prokuroria e krimeve të rënda dhe ndërkohë struktura policore është në kaos dhe e tulatur në hezitimin e saj! Nëpër portale po akuzohet hapur kupola drejtuese e policisë dhe e ministrisë, madje se në bashkëpunim me një pjesë të policisë ajo ka mbyll sytë, deri po mbështet kultivimin e kanabisit në plantacione të të afërmve të vetë Ministrit të Brendshëm! Kjo, dhe sikur një përqind të jetë e vërtetë, është më keq se dhe në Kolumbi! Bile, në thelbin e vet, për zhvillimin e vendit dhe të ardhmen e tij, është katastrofike! Ndërkohë ministri deklaron plot ?trimëri? se nuk më plantacione dhe më pas sulmon prokurorinë e vetë portalet!?, thotë Mejdani.
Mejdani thotë se edhe kryeministri Rama në rradhë me ambasadat aktive në vend po qëndrojnë në heshtje. Edhe lidhur me këtë Mejdani argumenton: ?Kryeministri dhe sigurisht ambasadat aktive kanë kohë që bëjnë një sy qorr e një vesh shurdh sikur asgjë nuk po ndodh dhe nuk ka ndodhur. Këto duhet t?i presim se nuk kemi parë gjë akoma!…

Në të vërtetë, kjo situatë sa skandaloze, po aq dhe e rrezikshme, duhet të alarmonte BE-në dhe ShBA-të. Për më tepër duhet të dalin me shpejtësi përgjegjësitë konkrete, bile jo vetëm të kërkohet, por dhe të dorëhiqet Ministri Brendshëm. Duhet të vihet para përgjegjësisë ligjore dhe çdo drejtues i lartë Drejtorisë së Përgjithshme të Policisë, së bashku me mjaft drejtues të policisë në rrethe ku kultivimi e abuzimi ka qenë më i madh. Në këtë situatë në vazhdimësi, nuk duhet hezituar dhe për të kërkuar mocion besimi në Parlament edhe për Kryeministrin e qeverinë e tij. Nuk mund të lejohet të kaluarit e mëtejshëm të çdo caku ligjor e moral të pranueshëm!? /Citynews.al