web counter
LEXO PA REKLAMA!

SHKARKO APP

App Store
Google Play

E fundit!

x

Mat/ Arrestohet bashkëshortja e të shpallurit në kërkim, sekuestrohet 2 kg drogë

6 Tetor 2016, 08:04, Aktualitet CNA

Shërbimet e Komisariatit të Policisë Mat,gjatë kontrollit të ushtruar në banesën e shtetasit Fatmir Shehu,  në njërën nga dhomat u gjet një sasi lënde narkotike, në formë boçeje, në proçes tharje,  me peshë rreth 2 kilogramë e cila u sekuestrua në cilësinë e provës materiale.
Shërbimet e Komisariatit të Policisë Mat, arrestuan në flagrancë e shtetasen Nexhmije Shehi, 48 vjeç,  banuese në fshatin Myz, njësia Administrative Lis Mat. Ajo është bashkëshortja e shtetasit Fatmir Shehi i cili është shpallur në kërkim nga Policia e Matit.
Po në vijim të veprimeve  gjatë kqyrjes së vendit të ngjarjes, në afërsi të vendit ku u gjetën të kultivuara 10600  bimët narkotike, është gjetur i braktisur një automjet  tip “Toyota”, me targa  AA 598 AM.
Arrestimi ka lidhje me informacionin paraprak të Policisë së Matit me datë 05. 10. 2016, për operacionin policor anticannabis  në territorin e rrethit Mat, ku Policia në bashkëpunim me Prokurorinë e Rrethit asgjësoi 10.600  bimë narkotike, në  fshatin Myz,  Njësia Administrative Lis Bashkia Mat, ku u shpall në kërkim një shtetas si i dyshuar kryesor i kultivimit të bimëve narkotike.
Materialet proceduriale në lidhje me këtë ngjarje do t’i referohen Prokurorisë pranë Gjykatës së Shkallës së Parë Mat për veprime të mëtejshme  për veprat  penale ? Prodhim e Shitje të narkotikëve ? dhe  Kultivim të bimëve narkotike?? parashikuar nga nenet 283 e 284  të Kodit Penal. /Citynews.al

 

 





Lajmet e fundit nga