web counter
LEXO PA REKLAMA!

SHKARKO APP

App Store
Google Play

E fundit!

x

Korçë-Pogradec/ Sekuestrohen 14 kg kanabis, 3 në pranga

29 Shtator 2016, 11:12, Aktualitet CNA

Operacioni antidrogë i koduar “Shkëmbimi” ka përfundurar me sukses duke sekuestruar 14 kg lëndë e dyshuar narkotike Cannabis Sattiva. Policia e Korçës dhe Pogradecit arrestoi në flagrancë 3 shtetas, ndër të cilët edhe Ish-Kryeplaku i fshatit Podgorie, proçedohet penalisht 1 tjetër. Specialistët e Seksionit për Narkotikët në DVP-Korçë, në bashkëpunim me Komisariatin e Policisë Pogradec, finalizuan me sukses operacionin e koduar “Shkëmbimi” ku si rezultat i të cilit, u bë kapja dhe arrestimi në flagrancë i shtetasve: Arben Pilinçi, 44 vjeç, i dënuar më parë për veprën penale “Vrasja me dashje” (Ish Kryeplak i fshatit Podgorie) Malti Kungulli, 29 vjeç, të dy banues në fshatin Podgorije. Arben Alushi , 45 vjeç, si dhe filloi proçedimi penal në gjëndje të lirë ndaj bashkëshortes së tij shtetases E.A, 36 vjeçe, të dy banues në Fier.

Në bazë të informacioneve të siguruara në rrugë operative si edhe falë një pune të mirëorganizuar shtetasit e mësipërm, u kapën në flagrancë në fshatin Hudënisht-Pogradec, duke transportuar një sasi prej 14 kg lëndë të dyshuar si narkotike Cannabis Sattiva.

Nga hetimet e kryera rezulton se, sasinë e lëndës së dyshuar narkotike shtetasi Arben Alushi, po e transportonte me automjetin e tij (ku pasagjere ishte bashkëshortja E.A) tip “Volksëagen” nga qyteti i Fierit drejt Korçës, ku në fshatin Hudënisht është bërë dhe shkëmbimi i saj. Në cilësinë e provës materiale u sekuestruan: Sasia e lëndës së dyshuar narkotike, e cila ishte vendosur në 5(pesë) kuti me ambalazh kartoni, 1 automjet tip “BMË” model X5 me targë AA 447AJ në pronësi të Malti Kungullit, 1 automjet tip “Volksëagen Passat” me targë AA 517 IK në pronësi të Arben Alushit., 6(gjashtë) aparate celularë, si edhe një sasi kartëmonedhash prej 1040 eurosh dhe 25 000 lekë.

Materialet në ngarkim të shtetasve të mësipërm, i kaluan Prokurorisë së Rrethit Gjyqësor Pogradec për veprën penale: “Prodhimi dhe shitja e narkotikëve” parashikuar nga neni 283/2 i Kodit Penal. /Citynews.al





Lajmet e fundit nga