web counter
LEXO PA REKLAMA!

SHKARKO APP

App Store
Google Play

E fundit!

x

Britania siguron mbrotjen e vendeve aleate

28 Shtator 2016, 14:45, Aktualitet CNA

Ministrja e Mbrojtjes, Mimi Kodheli e cilëson Britanin e Madhe si një partnere shumë të rëndësishme për thellimin e bashkëpunimit me Shqipërinë. Këtë deklaratë, Kodheli e ka bërë gjatë një konference të përbashkët me homologun e Britanisë së Madhe, Micheal Fallon i cili ndodhet në Shqipëri në kuadër të stërvitjes shumëkombëshe ?JoinEffort?  që organizohet për herë të parë nga vendi jonë. ?E para e këtij lloji bashkëpunimi, bazë e mirë e suksesshme për marrëdhëniet mes dy vendeve. Bashkëpunimi dypalësh ka arritur në nivele të paimagjinuara më parë?, tha Kodheli në konferencë. Më tej, ajo rikonfirmon edhe njëherë se qëndrimi i Shqipërisë është i palëkundur në rritjen e aktivitetit parandalues dhe ruajtjen e kufijve territorial, angazhime këto të marra në Samitin e NATO-s në Varshavë.

Ndërsa nga ana tjetër sekretari Britanik i Mbrojtjes ka thënë se edhe pse Britania e Madhe po e lë Bashkimin Evropian do sigurojë mbrotjen e vendeve aleate. Madje, ai thekson se marrëdhëniet midis dy vendeve, do të konsolidohen më tej, duke shpjeguar këtu edhe arsyen e vizitës në Shqipëri. ?Arsyeja kryesore e vizitës time është për të vëzhguar nga afër stërvitjen ?Joint Effort 2016?  që po zhvillohet në vendin tuaj, për të cilën Mbretëria e Bashkuar është shumë krenare me pjesëmarrjen e 150 trupave të saj. Forcat tona nuk janë këtu për të treguar forcën, por për të demonstruar edhe faktin se pavarësisht se Mbretëria e Bashkuar është duke lënë Bashkimin Evropian, angazhimet tona janë thelbësore për sa i përket politikave të mbrojtjes?, është shprehur Fallon. /Citynews.al

 





Lajmet e fundit nga