E fundit!

11:00 Denoncim

Dokumenti/ Familjarët e vrasësit të policit në Maliq përfituan fonde nga AZHBR

Vrasja e efektivit Enea Mekolli në krye të detyrës ka nxje...

Një përgjigje Elona Meços për të gjitha llojet e plehrave/ Nga Mentor KIKIA

26 Shtator 2016, 19:52, Aktualitet CNA

Kolegia ime Elona Meço, ngre disa pyetje, që dhe unë i kam rrotulluar në mendje shumë herë:
Po citoj Elonën:
?Kush mund te me jape nje shpjegim pse ne shqiptaret jemi me te ndjeshem per ligjin e mbetjeve sesa per ligjin qe na rrit taksat psh?
Pse shqetesohemi me shume per importimin e mbetjeve leter dhe plastike dhe nuk shqetesohemi per prodhimin kombetar te droges?
Pse ne shqiptaret bejme si ekologjiste, kur jetojme si derrat dhe ushqehemi si ta, me gjithfarelloj ushqimesh te pakontrolluara?
Dhe e fundit. Pse bejme si perendimore, kur ne realitet nuk na ben pershtypje shitblerja e votes?

Unë i kam bërë këto pyetje shumë herë, kur gjatë pranverë-verës, për 10 vjet me radhë, me qindra vullnetarë mbledh me tonelata mbeturina të hedhura nëpër rrugë, lumenj, përrenj e që përfundojnë në plazhe. Janë shishe, bidona, shapka, shiringa, shishe serumi, kuti ilacesh, edhe një këmbë robi të hedhur nga sipatel gjetëm njëherë, rraqe, orendi të vjetra, bebelina, biberona, e lloj-lloj mbeturinash të tjera. Dhe them: Këta janë vallë shqiptarët? Këta njerëzit e ndjeshëm që nuk tolërojnë tu prekesh në mjedis? Këta janë zhulsat që dhje? e hanë në të njëjtin vend, por nëse ti guxon tu sjellësh një shishe plasite nga jashtë, të thyejnë brinjët, apo jo?
Unë i kam bërë këto pyetje edhe kur mendoj se si do të përhapet përdorimi i kanabisit në vend, kur me këtë superprodhim, do të kthehet kusur në dyqane, dhe ne heshtim.
Kur njerëzit u ngritën në këmbë kundër armëve kimike, fluturova nga gezimi: Jo më shumë për ndalimin e armëve kimike sesa për për faktin që ne u zgjuam: U bëmë shoqëri ? thashë- u bëmë njerëz me nerv.
Por jo! Ne s?u bëmë dot. Sepse kemi lejuar e lejojmë të gjitha format e pushtetit të tallen me ne. Kemi lejuar që e gjithë pasuria jonë kombëtare të kontrollohet jo më shumë se nga 30 njerëz. Kemi lejuar që pushteti të bëhet mall e të shitet me paratë që na vidhen neve. Dhe çfarë bëjmë? Thjeshtë nxitojmë të futemi ke partia me e re aleate e pushtetit, për një vend pune.
Por të kthehem tek plehrat, jo tek ato të importit për riciklim, se ato janë të pastra, por tek tonat; E dini çpo ndodh nëpër fshatra, ku që prej ndrajes së re administrative nuk mblidhet me asnjë qese e asnjë shishe? Vendi po qelbet edhe me keq dhe mbeturinat që hidhen nëpër lumenj po shtohen. Ndaj unë i ftoj të gjithë të ndjeshmit e kësaj kauze, të bërtasim edhe për këtë pisllkun tonë këtu, që nuk na e solli askush nga jashtë, por e bëjmë ne, me gjithë qeveritë tona, njëra pas tjetrës.
Por, meqë ti Elona do një përgjigje unë po të jap, sipas mendjes time: Ne nuk protestojmë kundër plehrave. Ne protestojmë sepse kjo është kauza e radhës politike. Në 2013, PD e miratoi ligjin, PS e quajti mafioz sepse i duheshin vota. Tani, PS e riktheu, ndërsa PD, po, ata që e hartuan, votuan dhe mbrojtjën me forcë, tani e quajnë mafioz, sepse sërish duan vota. Dhe ne çfarë bëjmë? Ne mbledhim vota!