Kanabisi në Shqipëri, së shpejti minierë floriri për ISIS

22 Shtator 2016, 11:01, Aktualitet CNA

Ish-kryeministri Sali Berisha në fjalën e tij në seancën plenare ka denoncuar rrezikun që së shpejti pritet t?i kanoset Shqipëri e vendeve të tjera nga kanabisi si një minierë floriri që së shpejti do të financojë ISIS. Berisha i ka bërë thirrje të gjithë autoriteteve ndërkombëtare ta shohin me seriozitet këtë deklaratë të tijën dhe të hetojnë fenomenin në Shqipëri.

?Sot unë duhet të jap alarm kushtrimi, të shpreh shqetësimin tim më të madh për dramën në të cilën është zhytur Shqipëria. Sot siguria kombëtare është më e kërcënuara nga luftrat deri tani. Shqipëria është kthyer në Kolumbinë e dikurshme. Kanabisi, arat e deputetëve, ministratëe, kanë mbuluar vendin nga Konispoli në Vermosh. Asgjë nuk kërcënon më vendin më shumë sot. Ngre alarmin se kjo është situata më kërcënuese për Ballkanin, i them Aleancës së Atlantikut të Veriut ku jemi anëtarë se ISIS do të ketë minierën e floririt në Shqipëri. Miniera e floririt për ISIS do të jetë kanabisi shumë shpejt?, deklaroi ish-kryeministri Sali Berisha nga salla e Kuvendit.

Veç trafikut të drogës Berisha ka denoncuar edhe trafikun e armëve të cilin e lidhi edhe mee ngritjen e aeroporteve për trafikun e tyre në Shqipëri. Ai tha se të tjerë aerodrome po ndërtohen. Berisha u shpreh se Shqipëria po kthehet në një vend rreziku për fqinjët.

?A e dëgjove shtypin italian se tha aeroporti u bë për trafik armësh?

Kurrë nuk ka qenë më e kërcënuar siguria kombëtare e një vendi. Keni detyrime më të mëdha ndaj shqiptarëve, si një vend anëtar i NATO-s.

Çfarë të thoni ju kur ngrihet një sistem aeroportesh për të transportuar drogë armë e gjithshka. A e dini se po ndërtohen aerodrome të tjera për afera kriminale.

Po ndërtohen aeroporte të tjera për trafik droge dhe dalim këtu. Më parë kishte, por kishte një luftë ndaj kanabisit, pas moratoriumit, Italia hoqi kontrollin e hapësirës ujore. Ju nuk fluturoni me presh mbrapa, por me para mbrapa.
Po bëhemi rrezik për NATO-n dhe fqinjët, a ka përgjegjësi këtu apo jo?
Policia është shndërruar në kanabiste. Kanabisi është helm social, kurrë droga nuk zhvilluar një vend, vetëm e ka rrënuar atë?, tha Berisha. /Citynews.al