web counter
LEXO PA REKLAMA!

SHKARKO APP

App Store
Google Play

Importi i plehrave/ Shoqëria civile proteston para parlamentit

22 Shtator 2016, 08:43, Aktualitet CNA

Projektligji ?për menaxhimin e integruar të mbetjeve? pritet të votohet sot në seancë plenare në Parlament. Kësaj seance i ka praprirë protesta e shoqërisë civile para godinës së Kuvendit. Aleanca Kundër Importimit të Plehrave ka protestur kundër këtij ligjit që bën Shqipërinë vend të importimit të plehrave nga jashtë. Lavdosh Ferruni nga shoqëria civile shprehet: ?Është dita t?i japim shansin deputetëve të reflektojnë. Nëse s?ka reflektim do të përballen me uraganin qytetar.

Dhjetëra pjesëtarë të shoqërisë civile me megafonë kanë bërë thirrje ndaj parlamentarëve që të reflektojnë.

Protesta para Kuvendit ecën paralelisht me një protestë në rrjetet sociale.

Dhjetëra pjesëtarë të shoqërisë civile dhe aktivistë të Aleancës Kundër Importit të Plehrave (AKIP) u mblodhën të hënën përpara Piramidës për të shprehur kundërshtimin e tyre për ligjin e importit të mbetjeve, rikthimin në axhendën parlamentare të të cilit e quajtën një ?rrufe në qiell të hapur?.

Nga viti 2011 deri në vitin 2013, Shqipëria u përfshi nga një debat i gjerë kundër ligjit të importit të mbetjeve të riciklueshme, të cilën qeveria e drejtuar nga ish-kryeministri Sali Berisha vendosi ta çojë për miratim në parlament.

Pas nismës së udhëhequr nga Partia Socialiste për një referendum mbi këtë çështje, e cila mblodhi 65,000 firma, data e referendumit u caktua më 24 dhjetor 2013. Për shkak të presionit të madh qytetar, qeveria Berisha u tërhoq nga importi i mbetjeve në shtator 2013 duke shkaktuar anulimin e referendumit.

Ardhja sërish e ligjit në Kuvend i bën aktivistët e mjedisit të mendojnë për rikthim automatik të referendumit.

Protesta ka nisur si reagim ndaj projektligjit të inicuar nga tre deputetë të mazhorancës, Eduard Shalsi, Ervin Bushati të PS-së dhe Bujar Derveni i LSI-së. /Citynews.al





Lajmet e fundit nga