E fundit!

16:34 Aktualitet

"Vetëm një ndalesë në pikat doganore"/ Nënshkruhet marrëveshja ndërkufitare Shqipëri-Maqedoni e Veriut

Shqipëria dhe Maqedonia e Veriut kanë arritur një marrëves...

Policia jep versionin zytar per arrestimin e Fadil Hoxhes

18 Shtator 2016, 20:54, Aktualitet CNA

Policia nepermjet nje njoftimi per mediat jep versionin zyrtar per arrestimin e shtetasit Fadil Hoxha, i cili humbi jeten sot ne mbremje ne QSUT.

Ne njoftimin zyrtar te policise shkruhet, “Më datën 17.09.2016, ora 17:50 u arrestua në flagrancë shtetasi Fadil Hoxha, 53 vjeç, banues në fshatin Grabian, Divjakë, dhe u referuan materialet në Prokurorinë e Rrethit Gjyqësor Lushnjë për veprën penale “Vjedhje” e kryer në bashkëpunim. Ky shtetas u arrestua pasi rreth orës 13:35 është kapur në flagrancë për vjedhje.

Shtetasi Fadil Hoxha ndodhej në dhomat e paraburgimit të Komisariatit të Policisë Lushnje. Më datën 18.09.2016, rreth orës 11:30, shtetasi Fadil Hoxha ka patur dhimbje të forta në gjoks dhe menjëher? është njoftuar dhe ka ardhur ekipi mjeksor i urgjencës së Spitalit Lushnjë ku pas vizitës ai është shoqëruar për në spital ku është ekzaminuar nga mjeku kardiolog.

Nga mjekët e spitalit Lushnje është konstatuar se ky shtetas kishte probleme të rënda kardiake dhe është nisur me urgjencë për në spitalin ?Nënë Tereza? Tiranë, por me gjithë nderhyrjet e bëra nga mjekët, në orën 18:10 ky shtetas ka ndërruar jetë në këtë spital.

Për këtë ngjarje është vënë në dijeni Prokuroria e Rrethit Gjyqësor Lushnje dhe janë kryer të gjitha veprimet proceduriale. Në vendngjarje është dërguar grupi hetimor për të kryer veprimet. Sqarojmë se ky shtetas ka deklaruar se vuan nga tensioni dhe ka pasur me vete ilaçe të cilat i ka marë rregullisht. Gjithashtu sot rreth orës 08.20 minuta familjarët janë njoftuar nga përgjegjësi i dhomave të paraburgimit qè ti sillnin edhe një ilaç tjetër që i kishte kërkuar në orën 08.15 shtetasi i arrestuar.

Rreth orës 10.15 minuta familjarët kanë sjellë edhe ilaçin tjetër të cilin e ka konsumuar në rregull. Theksojmë se mjeku i Drejtorisë Vendore të Policisë Fier ka asistuar rastin nga momenti i shoqërimit në dhomat e paraburgimit e deri në QSUT. Familjarët e personit të arrestuar nuk kanë pasur asnjë ankesë për trajtimin e problemit të tij shëndetsor deri ne momentin e përkeqësimit të shëndetit të tij, kur Policia ka bërë menjeherë shoqërimin për në Spitalin e Lushnjës.