web counter
LEXO PA REKLAMA!

SHKARKO APP

Universiteti i Tiranës nënshkruan marrëveshje me Universitetin e Tetovës

1 Korrik 2016, 14:14, Aktualitet CNA

Rektori i Universitetit të Tiranës,  Mynyr Koni së bashku me delegacionin e UT-së vazhdoi vizitën e tij në Republikën e Maqedonisë.

Rektori i UT-së, Prof. Dr. Mynyr Koni u prit nga Rektori i Universitetit të Tetovës,  Vullnet Ameti. Ky takim  u realizua në kuadër të forcimit të  marrëdhënieve midis dy institucioneve në të gjitha fushat me interes të përbashkët.

Rektori i Universitetit të Tetovës kërkoi mbështetje nga UT për të gjithë universitetet shqiptare në trojet shqiptare dhe theksoi se bashkëpunimi midis Universitetit të Tiranës dhe Universitetit të Tetovës është detyrim kombëtar. Rektori Ameti shprehu dëshirën që ndërmjet universiteteve të kishte programe të përbashkëta studimore.

Në kuadër të kësaj vizite u organizua edhe ceremonia e nënshkrimit të marrëveshjes së bashkëpunimit midis dy universiteteve.





Lajmet e fundit nga