web counter
LEXO PA REKLAMA!

SHKARKO APP

App Store
Google Play

E fundit!

x

Rama nis lëvizjet për koalicionin 2017/ Hap derën e qeverisë për aleatët

13 Shkurt 2016, 08:07, Aktualitet CNA

Kryeministri i vendit dhe kreu i PS-së  ka filluar të ftohë marrëdheniet me aleatët, të cilat në tre vitet e fundit, janë përshkuar nga një klimë e thellë mosbesimi, tensioni, premtimesh të pa mbajtura, marrëveshjesh të shkelura, presionesh dhe kërcënimesh, raporton gazeta “Sot”

Shefi i selisë rozë nuk respektoi marrëveshjen e para zgjedhjeve të 2013. Ndërkaq, para zgjedhjeve lokale të 2015, me anë të deputetit Taulant Balla, Rama u kërkoi ndjesë aleatëve, ndërsa shprehu vullnetin për firmosjen e një pakti të ri. Pas zgjedhjeve lokale, pakti i ri pati fatin e marrëveshjes së vjetër. Si mos të mjaftonte shkelje e marrëveshjes, Rama ndau pushtetin dhe i dha shtatë drejtori të rëndësishme, Shpëtim Idrizit, i cili ishte në krahun Berishës në 2013. Pas kësaj lëvizjeje, aleatët e Partisë Socialiste deklaruan se nuk do të pranonin më një marrëveshje dhe tryezë të tretë me kryeministrin apo përfaqësuesit e tij, ndërsa paralajmëruan se do të shihnin mundësinë për t?iu bashkuar një poli të tretë.

Sipas burimeve gazetës “SOT” të besuarit e Ramës, ditët e fundit, kanë kontaktuar individualisht secilin nga kryetarët e partive aleate, duke i ofruar poste, sipas peshës dhe numrit të votave. Nga ana e tyre, krerët e partive të ashtuquajtura të vogla, thonë se Rama po shpërndan kocka, pas paralajmërimit të tyre, se do të bashkoheshin për të dalë më vete në zgjedhjet e ardhshme.

Edi Rama u ka ofruar Skënder Gjinushit dhe Paskal Milos poste zëvendësministrash dhe drejtorësh, në këmbim të rreshtimit në koalicionin e ri që do të drejtohet nga Partia Socialiste. Aleati tradicional i socialistëve, Skënder Gjinushi do të marrë dy poste zëvendësministrash dhe po aq do të marrë edhe Milo. Ndërkaq, krerëve të tjerë të partive alete u janë ofruar poste drejtorësh dhe specialistësh, duke u bazuar gjithnjë në numrin e votave.





Lajmet e fundit nga