web counter
LEXO PA REKLAMA!

SHKARKO APP

E fundit!

x

Vrasja e inspektorit/ Babai i viktimës: Gjykata la të lirë autorin kryesor

27 Nëntor 2015, 09:17, Kronika CNA

Gjykata e apelit ka lënë të lirë një person të akuzuar për moskallëzimin e vrasjes së inspektorit të Punës si dhe ka dënuar me 12 vite burg autorin e vrasjes së 28-vjecarit Klement Hoxhallari. Këto vendime kanë sjellë reagimin e babait të viktimës i cili është shprehur se drejtësia e fali autorin kryesor.

Vrasja ka ndodhur vitin e kaluar në Pogradec, ku viktima Hoxhallari u qëllua disa herë me thikë në një lokal të qytetit për shkak të një konflikti pronësie.

Babai i viktimë, Nevzat Hoxhallari ka reaguar ashpër ndaj vendimit të gjykatës duke u shprehur se personi që gjykata liroi ishte ai që e mori në telefon viktimën për ta takuar.

?Ma ngritën djalin nga gjumi për të ma vrarë. Gjykata liroi personin që e telefonoi atë dhe e thirri tek lokali, ku një grup personash i morën jetën, ndërsa ai që e qëlloi me thikë do të dalë shumë shpejt. Përveç korrupsionit nuk gjej fjalë tjetër. Korrupsion në drejtësi, korrupsion në polici, korrupsion kudo në kurrizin tonë?, u shpreh Hoxhallari

 

 





Lajmet e fundit nga