web counter
LEXO PA REKLAMA!

SHKARKO APP

App Store
Google Play

Letra, Spartak Braho dëshmon në Prokurori

6 Tetor 2015, 15:23, Politikë CNA

Çështja e letrës së Spartak Brahos drejtuar institucioneve më të larta të sigurisë së vendit është marrë në dorëzim nga Prokuroria e Tiranës.

Kreu i Komisionit Parlamentar të Sigurisë, disa ditë më parë, përmes një letre dërguar Presidentit të Republikës, Kryeministrit, Kreut të Kuvendit dhe kreut të SHISH-it, deklaronte se stabiliteti i vendit po kërcënohej seriozisht nga një skenar destabilizimi i Dritan Priftit dhe Tom Doshit.

Pikërisht për këto pretendime të tij, Braho është paraqitur këtë të martë në Prokurorinë e kryeqytetit për të dhënë dëshminë lidhur me këtë skenar destabilizimi, sipas tij.

Braho thotë në letër disponohen prova se ata kanë ushtruar presion mbi bashkëshorten e Katriot Ismailajt në mënyrë që ky i fundit të dëshmojë në procesin gjyqësor kundra Ilir Metës. Takimi sipas tij është kryer në një nga baret e një hoteli luksoz në Tiranë dhe bashkëshortja e Ismailaj u kërcënua nga deputeti Doshi.

Burimi duke cituar pasazhe të kësaj letre thotë se Spartak Braho pretendon se dyshja Prifti-Doshi e kanë realizuar këtë presion duke përdorur emrat e liderit të opozitës Basha dhe të ambasadorit Amerikan Donald Lu dhe kryeministrit Rama.

Për të njëjtën çështje, janë marrë në pyetje në Policinë e Tiranës, deputeti Tom Doshi dhe Vojsava Ismailaj, bashkëshortja e Kastriot Ismailajt dhe Dritan Prifti.





Lajmet e fundit nga