web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Amarilda Lekës/ Reagon Harito: Nuk ka qenë sekretare, por aktiviste socialiste

2 Tetor 2015, 21:15, Aktualitet CNA

Ministrja e Shtetit për Inovacionin dhe Administratën Publike, Milena Harito ka reaguar lidhur me arrestimin e shtetases Amarilda Leka, e dyshuar si sekretare e zyrës elektrorale të Haritos. Përmes një postimi në rrjetin social Facebook, Harito deklaron se e arrestuara ka qenë një aktiviste pranë Partisë  Socialiste.

Reagimi  i plotë i Ministres Harito:

Amarilda Leka, e arrestuar sot paradite nga policia nuk ka qenë sekretare elektorale e PS-së, por një aktiviste e kësaj partie si dhjetëra mijëra të tillë në Tiranë. Po ashtu ajo nuk ka pasur asnjëherë, ndonjë detyrë në asnjë nga stafet e agjencive në varësi të Ministres së Shtetit për Inovacionin dhe Administratën Publike.

Prezumimi i pafajësisë është një parim themelor i të drejtave të njeriut dhe fajësia apo jo e kësaj shtetaseje për akuzën për të cilën është arrestuar është kompetencë e organeve të drejtësisë.

Pavarësisht kësaj, një gjë është e qartë për të gjithë: Koha kur militantizmi politik përdorej si mburojë për t?i shpëtuar ndëshkimit ligjor për shkeljet apo krimet e kryera, ka perënduar një herë e mirë në 23 qershor 2013.

Të gjithë shtetasit janë të barabartë përpara ligjit pavarësisht nëse janë mbështetës të Qeverisë apo opozitës dhe gjithkush mban përgjegjësi ligjore për veprimet që kryen në jetën e tij të përditshme.





Lajmet e fundit nga