web counter
LEXO PA REKLAMA!

SHKARKO APP

App Store
Google Play

Flet avokati i shqiptarëve që masakruan gazetarin Italian/ Janë mbrojtur nga agresori

21 Gusht 2015, 09:42, Aktualitet CNA

Rrahja e gazetarit të njohur të ?Striscia la Notizia?, Vittorio Brumotti, nga dy shqiptarë, ka qenë në qendër të lajmeve këto dy ditët e fundit në Itali.

Deri më tani për ngjarjen ka folur vetëm gazetari, ndërkohë që dy shqiptarët e përfshirë në sherr, atë e bir, kanë preferuar të heshtin.

Avokati i njohur italian, penalisti Enriko Nan, që është angazhuar nga dy shqiptarët, thotë se sherri nuk ka nisur nga ata.

?Klientët e mi kanë versionin e tyre të fakteve, falë të cilit do të prezantojmë ditën e shtunë një padi me një rindërtim të detajuar të gjithçka ndodhi.

Reagimi i tyre ka ardhur si mbrojtje nga agresioni dhe jo e kundërta.

Klientët e mi nuk janë të dhunshëm , por tre persona që punojnë e jetojnë në Itali prej 20 vitesh.

E mbi të gjitha e bija e Petrit Sinjarit ka pësuar gjatë kësaj zënke disa plagë e një goditje të fortë në gjoks?, ka thënë ai.

?Jemi duke përgatitur një padi që do ta dorëzojmë ditën e shtunë tek autoritetet e drejtësisë italiane, shoqëruar me një rindërtim të detajuar të zhvilllimit të kësaj ngarjeje?, ka deklaruar avokati i njohur italian.

Shqiptari 53 vjecar Petrit Sinjari e fëmijët e tij, vajza 27 vjec e djali 21 vjec, kanë preferuar të flasin me mediat me anë të avokatit të tyre i cili është shprehur se ?klientët e tij kanë dashur të evitojnë duke ia servirur ?në pjatë?mediave versionin e tyre të fakteve, por një gjë është e sigurt se gjërat kanë ndodhur ndryshe nga sa ka pohuar Vittorio Brumoti me anë të rrjeteve sociale?.

?Është e rëndësishme të kujtohet, ndryshe sa ka deklaruar dikush deri më tani, se klientët e mi pas grindjes nuk ja kanë mbathur por janë prezantuar në rajonin e policisë së qytezës së Borghetos ku kanë denoncuar ngjarjen duke u vënë në dispozicion të forcave të rendit?, ka përfunduar avokati i shqiptarëve.





Lajmet e fundit nga