web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa e Kosovës për UNESCO përçan lidershipin serb

17 Gusht 2015, 13:45, Kosova & Bota CNA

Kërkesa e Kosovës për t?u anëtarësuar në UNESCO duket se ka shkaktuar përçarje në Beograd. Siç raportojnë mediat serbe, kryeministri Aleksandër Vucic ka pranuar të nënshkruajë anëtarësimin e Kosovës në organizata ndërkombëtare, por ka hasur në kundërshtimin e hapur të presidentit, Tomisllav Nikolic dhe ministrit të Jashtëm, Ivica Dacic.

Shefi i diplomacisë serbe, para pak ditësh, i ka dërguar një letër të hapur drejtoreshes së UNESCO-s, Irina Bokova, duke i kërkuar të mos e pranojë Kosovën në organizatë, pasi kjo do të përbënte sipas tij shkelje të rregullave për ruajtjen e paqes dhe sigurisë ndërkombëtare.

E përditshmja serbe Danas në një shkrim të botuar të hënën thekson se në Beograd po shfaqën shenjat e para të plasaritjes midis lidershipit serb sa i përket bllokimit të përpjekjeve të Kosovës për t?iu bashkuar organizmave ndërkombëtarë, duke spekuluar se veprimi i shefit të qeverisë po sabotohet nga Kreu i Shtetit dhe shefi i diplomacisë.

?Çështja më e ndjeshme është anëtarësimi i Kosovës në organizata ndërkombëtare, sepse nëse kjo arrihet pas marrëveshjes më 25 gusht, atëherë kjo i bën automatikisht jorelevante veprimet diplomatike të Beogradit kundër anëtarësimit të shtetit të vetëshpallur të Kosovës në UNESCO?, shkruan Danas.

Siç shkruan kjo e përditshme nëse kjo marrëveshje arrihet në takimin e radhës mes palëve, më 25 gusht, atëherë pritet që brenda ekzekutivit serb të nisë një luftë e hapur.

?Shefi i diplomacisë serbe dhe presidenti Nikolic këmbëngulin të sabotojnë Vucic-in në përkushtimin e tij që të nënshkruajë marrëveshje të reja me Kosovën?, thekson gazeta.





Lajmet e fundit nga