web counter
LEXO PA REKLAMA!

SHKARKO APP

App Store
Google Play

E fundit!

x

Studimi/ Kush beson sëmuret më pak dhe jeton më mirë

3 Korrik 2015, 19:45, Kulturë CNA

Personat religjiozë sëmuren më pak dhe i jetojnë më mirë momentet e ankthit dhe të stresit që mund të krijohen edhe në vendin e punës, sepse spiritualiteti ofron një ?jastëk? kundër tensioneve të jetës së përditshme, ashtu siç shkruan Telegraph, duke cituar një studim të psikologëve të ?Health and Safety Laboratory? në Stockpor në Britani. Studimi u krye te një grup punonjësish i udhëhequr nga psikologia Roxane Gervais. Rezultatet treguan se njerëzit që ndiqnin parimet e një feje shfaqin nivele të ulëta të ankthit, depresionit dhe madje edhe të lodhjes. Njerëzit që morën pjesë në këtë hulumtim argumentojnë se pjesëmarrja në mënyrë aktive në shërbimet fetare i bën ata të ndihen më mirë dhe më në paqe me veten e tyre. Telegraph raporton se rezultatet e plota të studimit do të paraqiten në takimin vjetor të Shoqërisë Britanike Psikologjike në Brighton.

Njerëzit që besojnë në Zot?

Rreth ditëlindjes së 58-të njerëzit gjithnjë e më shumë i kthehen anës religjioze të jetës, sepse bëhen të vetëdijshëm për vdekshmërinë dhe dëshirojnë të gjejnë idealet që ua ofrojnë kuptimin dhe ngushëllimin e nevojshëm. Më pak se 23 për qind e njerëzve më të rinj se 27 vjet besojnë fuqishëm në Zot, ndërsa në mesin e atyre më të moshuar se 68 vjeç, 43 për qind e tyre janë besimtarë të fortë. Këtë gjë e ka vërtetuar studimi i Qendrës Nacionale Amerikane për hulumtim të opinionit. Hulumtimi ka grumbulluar të dhënat prej 30 vendeve të ndryshme, duke përfshirë Australinë, Europën, Amerikën Jugore, SHBA-në, Zelandën e Re, Filipinet, Japoninë dhe Izraelin.

Njerëzit më religjiozë janë ata më të moshuar, ndërsa shumë prej tyre që nuk kanë qenë religjiozë gjatë tërë jetës, në pleqëri kanë gjetur diçka në të cilën besojnë, shkruan Reuters. ?Duke vëzhguar dallimet në bindjet fetare sipas grupmoshave, ndryshimi më i madh paraqitet rreth vitit të 58-të të jetës. Atëherë njerëzit bëhen më të vetëdijshëm për vdekshmërinë e vet dhe kërkojnë më shumë ideale që u japin kuptim dhe ngushëllim?, ka thënë udhëheqësi i studimit, Tom Smith. Gjatë dy dekadave të fundit, numri i besimtarëve në mënyrë të moderuar është reduktuar në shumicën e vendeve, ndërsa përjashtim përbëjnë Izraeli, Sllovenia dhe Rusia ku ka gjithnjë e më shumë besimtarë. Besimi fetar është ende më i forti në vendet katolike, edhe pse edhe atje ka gjithnjë e më shumë ateistë, kanë deklaruar hulumtuesit/ Bota.al 





Lajmet e fundit nga