web counter
LEXO PA REKLAMA!

SHKARKO APP

App Store
Google Play

Në PD, njëri i bie gozhdës, tjetri patkoit

27 Mars 2015, 13:57, Aktualitet CNA

Në përputhje me Rezolutën e datës 24.12.2014 të Kuvendit të Shqipërisë, në lidhje me dekriminalizimin e parlamentit dhe administratës publike, Partia Demokratike prezantoi platformën për dekriminalizimin, ku si qëllim i saj është dekriminalizimi i organeve të zgjedhura, institucioneve të pavarura si dhe i administratës publike.

Gjatë prezanitimit të saj, Oerd Bylykbashi u shpreh se nëse nuk zbatohet procesi i dekriminalizimit brenda afatave të përcaktuara, nuk ka për të pasur zgjedhje lokale.

Ky është një qëndrim i mbajtur edhe nga lideri i opozitës, Lulzim Basha  dhe faktorë të tjerë të PD-së.

Ish kryeministri Sali Berisha, ka deklaruar se revolucioni paqësor është përgjigja për sigurinë e çdo njeriu dhe për të ecur të sigurtë drejt BE. Berisha ka kërkuar edhe zgjedhje të parakohshme.

Ndërsa Edmond Spaho, në një intervistë, ka artikuluar se nëse nuk kryhet procesi i dekriminalizimit brenda afateve të përcaktuara, do të ketë shtyrje të zgjedhjeve vendore.

Në Partinë Demokratike, njëri i bie gozhdës, tjetri patkoit, si një orkestër ku cdo vegël luan për qejfin e saj.

Cdo ditë del një version i ri, cdo zë del me versionin e tij.

Por ende nuk ka një zë zyrtar që të dalë e të konfrmojë apo mohojë nëse do të ketë apo jo zgjedhje të parakohshme.





Lajmet e fundit nga