web counter
LEXO PA REKLAMA!

SHKARKO APP

App Store
Google Play

E fundit!

x

Isa Mustafa shpreh emocion për takimin e nesërm Shqipëri–Kosovë

22 Mars 2015, 08:34, Politikë CNA

Kryeministri i Kosovës Isa Mustafa ka ndarë emocionet dhe entuziazmin e tij për takimin e dy qeverive, asaj të Kosovës dhe Shqipërisë nesër në Tiranë, nga i cili priten vendime të rëndësishme për të dy vendet.
?Dua të ndaj me ju gëzimin që tashmë po kryhen përgatitjet për mbledhjen e përbashkët të Qeverisë së Republikës së Kosovës dhe të Këshillit të Ministrave të Republikës së Shqipërisë, ? shkruan Mustafa në Facebook. ? Së këndejmi, jam optimist se mbledhja e së hënës në Tiranë do të jetë e suksesshme dhe do ta hapë një kapitull të ri bashkëpunimi mes dy shteteve tona.
Për qeverinë që unë drejtoj, prioritet është bashkëpunimi me Shqipërinë, përmes një politike të bashkërenditur për interesat tona të përbashkëta, për interesat e shqiptarëve në rajon, si dhe për realizimin e bashkëpunimit edhe për çështje të karakterit rajonal dhe të procesit të integrimeve euro-atlantike.
Dy shtetet tona, kurrë deri më tash nuk e kanë pasur situatën më të përshtatshme në shtëpi, por edhe atë rajonale e ndërkombëtare, që të krijojnë politika të përbashkëta në të gjitha fushat, që na lidhin dhe i bëjnë marrëdhëniet tona dypalëshe të veçanta. I gjithë kabineti qeveritar që gjendet në Kosovë do të kalojë së bashku udhën e kombit për të arritur të organizuar dhe në të njëjtën kohë në Tiranë,?- përfundon Mustafa duke konfirmuar zërat se ka vendosur që gjithë ekipi qeveritar do të udhëtojë me autobus për në Tiranë.





Lajmet e fundit nga