Runcible, telefon në madhësinë e një ore xhepi

7 Mars 2015, 16:45, Aktualitet CNA

Sapo ne menduam se telefonat inteligjentë po humbasin kreativitetin, një pajisje e vogël, në madhësinë e një ore xhepi, do të ndryshojë mendimin tonë, pasi është pajisja më interesante që kemi parë deri tani. Kompania Monohm, me bazë në San Francisko, prezantoi në Kongresin Botëror të Telefonave telefonin Runcible. Kur të hidhet në treg në fund të këtij viti, përdoruesit do të kenë mundësi të heqin kartat SIM nga telefonat inteligjentë aktualë dhe të përdorin telefonin Runcible për më thjeshtë. Gjëja më interesante e këtij telefoni është forma që ai ka, e cila bazohet tek ora e xhepit dhe busulla e drejtimit. Në pjesën e jashtme ora është e veshur me disa materiale të ndryshme, si me material prej druri, bakri, kallaj, qeramikë dhe plastikë e riciklueshme. Emri vjen nga një fjalë e pakuptimtë nga epoka viktoriane, e zgjedhur nga një poet anglez. Pajisja operon me sistemin Firefox OS, ka një portë për karikim, një kamerë në anën e pasme dhe ju lejon të vendosni një zinxhir. Telefoni mund të lidhet me një palë kufje me Bluetooth dhe të pranojë thirrjet telefonike. Megjithatë ka disa kufizime, si për shembull, ju mund të zgjidhni vetëm 12 kontakte që mund t?ju telefonojnë, të tjerët duhet të dërgojnë mesazh zanor. Ndryshe nga pjesa më e madhe e telefonave inteligjentë, ai nuk do të shfaqë njoftimet e Facebook-ut apo Twitter-it. Ai vetëm do t?ju njoftojë kur keni më shumë aktivitete sociale se zakonisht (si komente në Facebook apo ricicërima në Twitter) duke ju njoftuar nga ekrani i orës. Një faqe e orës do të shfaqë flluska me ngjyra të ndryshme, që përfaqësojnë sajte të ndryshme, si Facebook (me ngjyrë blu) dhe Instagram (kafe). Kur keni një njoftim në njërin nga rrjetet sociale, njëra nga flluskat do të zgjerohet, kështu ju mund të klikoni aty dhe mund të shikoni çfarë po ndodh, pa marr shumë detaje. Telefoni do t?ju njoftojë vetëm nëse keni marrë ndonjë njoftim nga një nga 12 personat në listën tuaj të kontakteve. Telefoni do të shërbejë edhe si busullë drejtimi. Çmimi nuk është bërë i ditur akoma, megjithatë një zëdhënës i kompanisë ka thënë për Mashable se telefoni do të kushtojë afërsisht sa telefonat e tjerë inteligjentë, që do të thotë se mund të kushtojë rreth 600 dollarë.