web counter
LEXO PA REKLAMA!

SHKARKO APP

App Store
Google Play

E fundit!

x

Llalla: Persona të administratës të përfshirë në ngjarje kriminale

4 Mars 2015, 14:57, Aktualitet CNA

Kryeprokurori Adriatik Llalla ka deklaruar ditën e sotme se ka dyshime që persona të administratës shtetërore të jenë të përfshirë në ngjarjet kriminale të fillim vitit 2015. Këto deklarataLlalla i bëri gjatë një takimi me stafin e Prokurorisë për Krime të Rënda.

“Pas disa hetimeve të suksesshme nga ana e Prokurorisë për Krime të Rënda gjatë vitit 2014, Prokurori i Përgjithshëm, z. Adriatik Llalla, kërkon nga kjo strukturë fokusimin në rastet e krimit të organizuar dhe korrupsionit në nivele të ndryshme të administratës publike, të cilat ka dyshime se po ndërthuren me njëra-tjetrën.

Në një takim të zhvilluar ditën e mërkurë me stafin e Prokurorisë për Krime të Rënda, z. Llalla u shpreh se në disa ngjarje specifike të ndodhura prej fillimit të vitit 2015, ka dyshime se mund të jenë të përfshirë persona që janë pjesë e administratës shtetërore”.

Gjatë këtij takimi, Llalla ka bërë me dije edhe disa lëvizje në drejtuesit e lartë të Prokurorisë së Krimeve të Rënda, duke komanduar Adnan Xholin në vend të Eugen Becit, të cilin e ka emëruar në Prokurorinë e Rrethit Gjyqësor Elbasan.





14:45 Aktualitet

Audi R8 Spyder

Një artist i pavarur RM Design ka shkuar shumë më përpara se...

Lajmet e fundit nga