VIDEO/ Gol, shtyllë dhe tension mes lojtarëve. Mbyllet pjesa e parë në Erzeni-Kukësi

17 Tetor 2022, 15:49, Sport CNA

VIDEO/ Gol, shtyllë dhe tension mes lojtarëve. Mbyllet pjesa e

Është mbyllur pjesa e parë, në sfidën mes Erzenit dhe Kukësit, e vlefshme për javën e tetë në "Abissnet Superiore".

Pas 45 minutave të para, verilindorët janë në avantazhin e një goli. Ishte Edi Basha, i cili në minutën e 17-të zhbllokoi shifrat, duke shënuar pas një krosimi të marrë nga e majta.

I njëjti autor, në minutën e 34-t, i shkoi shumë afër golit të dytë, por gjuajtja e tij u ndal te shtylla.

Në këtë pjesë, nuk mungoi as tensioni, teksa në minutën e 38-të Shqiprim Taipi, kishte një përplasje masive me disa lojtarë të Erzenit dhe për pasojë u ndëshkua me të verdhë.

LIVE ERZENI-KUKËSI 0-1

Basha 17'

KOMENTI LIVE:

Mbyllet pjesa e parë!

38’ Tensionohet ndeshja me përplasje mes lojtarëve të të dyja skuadrave. Vetë gjyqtari Alla detyrohet të mbajë Shqiprim Taipin i cili po u kundërvihej futbollistëve shijakas. Në fund mesfushori përfundon i ndëshkuar me karton të verdhë.

34’ Basha ia del të shpërthejë përsëri në krahun e djathtë dhe ka hapësirë për të gjuajtur. Goditja e tij mposht Xhikën por ndalet nga shtylla dhe sfera përfundon më pas jashtë.

27’ Situata zhvendoset në anën tjetër ku Nonato pason për Kahrimanoviç i cili gjuan me forcë por gjen bllokimin e Ebert para portës. Përsëri ka pretendime për penalti dhe përsëri gjyqtari lejon lojën të vazhdojë.

26’ Ndreca mundohet të depërtojë në krahun e majtë dhe harkon në zonë, sfera devijohet dhe shkon në duart e Xhikës. Kuksianët pretendojnë penallti, por gjyqtari bën shenjë që loja të vazhdojë,

17’ GOOOL KUKËSI! Pas një harkimi të Ndrecës nga e majta, topi shkon te Basha i cili gjuan dhe dërgon topin në rrjetë.

15’ Tani janë kuksianët të cilët marrin nën kontroll lojën, por ritmi është pak më i ulët se fillimi i vrullshëm ku ekipet kërkonin golin e shpejtë.

11’ Bytyqi ndëshkohet me karton të verdhë pas një faulli ndaj Kahrimanoviç.

8’ Alan provon të majtën e tij me një gjuajtje nga distanca por topi shkon në duart e Tafas.

6’ Shumë agresivë që në start shijakasit të cilët mundohen të mbajnë lojën në gjysëmfushën e Kukësit dhe të krijojnë raste me iniciativat nga krahët.

3’ Rimal Haxhiu ka menjëherë mundësinë për të shënuar teksa lëshon një gjuajtje të fortë nga e djathta, topi përfundon në rrjetën e jashtme të portës së shijakasve.

1’ Nis ndeshja në “Niko Dovana”.