web counter
LEXO PA REKLAMA!

SHKARKO APP

App Store
Google Play

Situatë kaotike, lojtarët e Partizanit përplasen me njëri-tjetrin. Sulmuesi reagon dhe zbulon arsyen

30 Gusht 2025, 23:10, Sport CNA

Situatë kaotike, lojtarët e Partizanit përplasen me

Pas përfundimit të ndeshjes Partizani-Teuta, është shënuar një episod i pazakontë në radhët e të kuqve, ku protagonist ishte kapiteni Xhuliano Skuka.

Ai u përplas me shokun e skuadrës Judah Garsia disa minuta para mbylljes së takimit, çka solli reagime të shumta, veçanërisht nga tifozët. Pas ngjarjes, Skuka ka reaguar publikisht në rrjetet sociale. Ai ka kërkuar ndjesë për sjelljen e tij, duke theksuar se nuk bëhej fjalë për mungesë respekti ndaj skuadrës.

Sipas tij, reagimi i tepruar erdhi nga fakti se e ndien Partizanin si shtëpinë e tij dhe dëshiron të japë maksimumin. Skuka theksoi se lidhja e tij me klubin është e veçantë dhe më e gjatë se një lojtar i zakonshëm që vjen e ikën.

REAGIMI I PLOTË

“Jam i vetëdijshëm se sjellja ime mund të mos ketë qenë më e mira, përkundrazi kërkoj ndjesë por dua të theksoj se kjo nuk vjen nga mungesa respekti apo dëshire për të qenë pjesë e këtij ekipi. Arsyeja pse reagoj ndonjëherë më shumë se ç’duhet është sepse këtë ekip e ndiej si shtëpinë time dhe dua të jap gjithmonë maksimumin.

Nuk jam këtu thjesht si ata që vijnë e ikin, por sepse kam një histori më të gjatë dhe më të thellë me këtë skuadër. Ky ekip për mua është shumë më tepër se një skuadër futbolli, është një pjesë e imja që dua ta çoj përpara me pasion, respekt dhe përkushtim.

Në fushë i lejmë të gjitha, përveç rezultatit që do punojmë fort dhe do mundohemi të ngrejmë ekipin aty ku e meriton. Jam gati të punoj me veten, të përmirësohem aty ku kam gabuar, sepse mbi të gjitha e dua këtë ekip dhe dua të jem pjesë e tij denjësisht.

Skuka i Partizanit!”





Lajmet e fundit nga