web counter
LEXO PA REKLAMA!

SHKARKO APP

App Store
Google Play

E fundit!

x

Flamurtari dhe Bylis ndajnë pikët pas 6 golave

30 Gusht 2025, 18:40, Sport CNA

Flamurtari dhe Bylis ndajnë pikët pas 6 golave

Dueli i javës së dytë mes Flamurtarit dhe Bylisit nuk prodhoi fitues, ndonëse u shënuan plot gjashtë gola. Dy ekipet ndanë nga një pikë mes tyre, pas barazimit 3-3 në stadiumin “Adush Muça”.

Vlonjatët e nisën ndeshjen në mënyrën më të mirë të mundshmë, duke kaluar në avantazh që në minutën e pestë, pas një penalltie të kthyer në gola nga Burard.

Sulmet e bregdetarëve nuk u ndalën dhe në minutën e 22-të ishte Erald Maksuti që dyfishoi shifrat, pas një topi të gjatë të marrë nga Trashi.

Vetëm dy minuta më vonë, Bylis rihapi takimin, falë një goli të shënuar nga sulmuesi Ualison, i cili përfitoi në maksimum nga një asist i marrë nga Malomo.

Fraksioni i parë i lojës u mbyll me këtë rezultat, pavarësosht rasteve për shënim nga të dyja ekipet.

Pjesa e dytë nisi menjëherë me gol. Në minutën e 46-të, Muktar shpërtheu bukur dhe ia doli të barazojë shifrat për  Bylisin.

Maksuti tregoi të gjitah aftësitë e tij në minutën e 65-të. Sulmuesi kërcëu mbi të gjithë dhe shënoi golin e tretë për Flamurtarin me kokë.

Te Bylisi sërish nuk u dorëzuan dhe gjetën barazimin. Ualison përfitoi nga një top i marrë në zonë dhe e ndali në fundin e rrjetës.

Minutat e fundit sollën raste të shumta, por rezultati nuk ndryshoi, me ekipet që u detyruan të ndajnë nga një pikë.

Për Bylisin ky është barazimi i dytë radhazi, ndërsa Flamurtari merr pikën e parë, pas humbjes në ndeshjen e parë ndaj Elbasanit.





Lajmet e fundit nga