E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Silvinjo: Kemi 24 lojtarë që japin zemrën për Kombëtaren, Bajrami i jashtëzakonshëm

8 Shtator 2023, 00:00, Sport CNA

Shqipëria merr një pikë të artë në Pragë kundër Çekisë duke rritur akoma më shumë shpresat për një kualifikim historik në Euro 2024. Pas ndeshjes trajneri Silvinjo dha prononcimin e tij për SuperSport ku dukej mjaft i lumtur për këtë rezultat.

Ishte strategji të kapje në kundërsulm Çekinë?

Falenderoj tifozët së pari që ishin të shumtë. Jam i kënaqur për rezultatin dhe për paraqitjen. Dhoma e zhveshjes është shumë e rëndësishme, ne kemi 24 lojtarë që japin zemrën dhe kjo është shumë e rëndësishme. Barazimi që morën sot ishte fryt i të gjithë lojtarëve, në fushë dhe në stol.

A pret më shumë nga sulmuesit duke qenë se po shënojnë mesfushorët?

Sulmuesit po bëjnë mirë por Bajrami është lojtar me cilësi të jashtëzakonshme. Kanë bërë një punë të mirë pasi u kam thënë që goli do të vijë, si Cikalleshi edhe të tjerët.

Pjesë e parë shumë e mirë, në të dytën pati një rënie të ndjeshme. Erdhi si pasojë e gjëndjes fizike?

Jo nuk kishte rënie fizike të skuadrës. Përsa i përket rezumes së përgjithshme është e saktë ajo që thua. Jemi të sigurtë në veten tonë. Kemi intensitet, kualitet dhe cilësi teknike. Përballë kishim Çekinë që është kryesuese e grupit, me lojtarë të gjatë që na vunë në vështirësi. 10, 15 minuta në pjesën e dytë patëm vështirëitë tona por në aspektin taktik kemi bërë një ndeshje të mirë. E morëm veten, bëmë golin e barazimit, por edhe lojtarët që erdhën nga stoli bënë mirë.

Kur do ta shohim Ernest Muçin në fushë?

Bajrami ishte i mbaruar, kur mbeteshin 10-12 minuta por kemi zgjedhje që Gjasula sjell centimetra dhe na e dha këtë mundësi. Kjo ishte zgjedhja. Muçi është një lojtar i madh, e kemi parë herën e fundit. Ai vjen gjithmonë se është teknikisht shumë i fortë, psikologjikisht gjithashtu. Jam i sigurt që ne do të na ndihmojë shumë në këtë rrugë, që mbetet ende 50%, katër ndeshje.

Po na mësoni keq me këto golat e bukur. U bë e treta ndeshje radhazi, që shënojmë gola spektakolarë…

Është cilësia e lojtarëve. Ka shumë cilësi, te Asllani, Asani, Bare, Bajrami, Uzuni, Seferi, etj., etj. Janë shumë lojtarë të mirë.

I ka parë statistikat, që sot kishte vetëm një goditje në portë dhe atë me Bajramin?

Kishim vetëm një gjuajtje, por kishim edhe raste të tjera në pjesën e parë. Mos harrojmë që kundërshtari është shumë i fortë fizikisht dhe nuk lë hapësira.