web counter
LEXO PA REKLAMA!

SHKARKO APP

App Store
Google Play

Presidenti i Fenerbahce: Mourinho u shkarkua sepse duam lojë sulmuese

7 Shtator 2025, 20:48, Sport CNA

Presidenti i Fenerbahce: Mourinho u shkarkua sepse duam lojë sulmuese

Aventura e Jose Mourinho-s te Fenerbahçe përfundoi pas më shumë se një viti, pas eliminimit nga Benfica në Champions League.

Presidenti Ali Koç deklaroi se ndarja me portugezin ishte një vendim i vështirë, por i domosdoshëm. Ai theksoi se Mourinho kishte sjellë një stil tepër mbrojtës, ndërkohë që klubi kërkon futboll më ofensiv. Koç e quajti sukses afrimin e Mourinhos, por tha se ekipi duhet të dominojë kundërshtarët në kampionatin turk.

"Ishte një largim i dhimbshëm. Kishim kimi të mirë, afrimi i tij te Fenerbahce ishte tashmë një sukses i madh. Mbi të gjitha, ishte e vështirë për mua t'i thoja lamtumirë dikujt që e konsideroja mik. Por e dinim që ai luan futbollin në mbrojtje, kështu që në fund të sezonit diskutuam nevojën për të luajtur më shumë në sulm. ADN-ja jonë është të shënojmë 99 gola dhe të grumbullojmë 99 pikë!

Mënyra se si erdhi eliminimi nga Benfica është e papranueshme. Ne e shkarkuam Mourinho-n sepse besojmë se kjo skuadër mund të luajë futboll shumë më të mirë. Stili që solli Mourinho mund të funksionojë në Evropë, por në Turqi duhet t'i dominojmë kundërshtarët tanë”, theksoi ai.

Përveç rezultateve, sipas mediave turke, marrëdhëniet u tensionuan edhe për shkak të trajtimit të futbollistëve vendas, të cilët shpesh mbeteshin në stol. Këto përplasje e bënë të pashmangshme ndërprerjen e bashkëpunimit. Klubi beson se skuadra aktuale ka potencial për të zhvilluar lojë më cilësore dhe më tërheqëse.





Lajmet e fundit nga