web counter
LEXO PA REKLAMA!

SHKARKO APP

App Store
Google Play

E fundit!

x

Pochettino: Armando Broja, një nga sulmuesit e rinj më me potencial në Evropë

7 Janar 2024, 15:17, Sport CNA

Mauricio Pochettino ka një vlerësim të madh për Armando Brojën, të cilin e quan si një nga sulmuesit e rinj më premtues në Evropë.

Broja shënoi golin e parë në fitoren 4-0 të Chelsea kundër Preston në raundin e tretë të FA Cup.

Sulmuesi shqiptar që duket se ka lënë pas dëmtimin e rëndë në gju, që e detyroi të qëndronte disa muaj jashtë, është sfiduar nga tekniku i bluve të Londrës.

“Ishte me të vërtetë e rëndësishme për të! Ai ka nevojë që të përdorë këto lloj ndeshjesh që të shënojë e të përmirësohet. Jo vetëm sa i përket gjendjes fizike, por gjuhën e trupit gjithashtu. Duhet të hedhë hapin e radhës, të lëvizë. Të jetë më pozitiv! Potenciali është i jashtëzakonshëm! Po flasim për një nga sulmuesit më të rinj në Angli dhe Europë me më shumë potencial.  Por problemi është që ai tani duhet të shtyjë veten! Ne do ta ndihmojmë atë që ta kuptojë që asnjëherë nuk është mjaftueshëm.”, tha Pochettino.

Trajneri argjentinas ka një këshillë për Brojën. “I thashë atij: buzëqesh! Gjithnjë bëjmë shaka se si duhet të buzëqeshë, të rrezatojë më shumë energji pozitive, të jetë një djalosh i gëzuar!”

Janari do të jetë një muaj me angazhime për 22-vjeçarin, i cili do të ketë hapësirën e nevojshme në sulm, me sulmuesin tjetër Nikolas Jackson, që është i angazhuar në Kupën e Kombeve të Afrikës.





Lajmet e fundit nga