web counter
LEXO PA REKLAMA!

SHKARKO APP

App Store
Google Play

Ndërron jetë ish-lojtari i Kombëtares, Duka: Humbje e madhe për komunitetin e futbollit

29 Dhjetor 2025, 13:50, Sport CNA

Ndërron jetë ish-lojtari i Kombëtares, Duka: Humbje e madhe

Ka ndërruar jetë në moshën 66-vjeçare Kristaq Eksarko. Ai ishte ish-futbollist i Kombëtares shqiptare dhe i klubit Partizani. Gjatë karrierës së tij sportive, Eksarko u shpall dy herë kampion i Shqipërisë dhe fitoi një Kupë Republike me ekipin e kuq.

Ai ka dhënë kontribut edhe në arenën ndërkombëtare, duke përfaqësuar vendin me fanellën kuqezi. Për ndarjen e tij nga jeta ka reaguar presidenti i Federatës Shqiptare të Futbollit, Armand Duka.

Në një mesazh në rrjetet sociale, Duka e cilësoi lajmin si të trishtë për futbollin shqiptar. Ai vlerësoi kontributin dhe profesionalizmin e Eksarkos si pjesë e një brezi që ka lënë gjurmë në historinë e këtij sporti. Duka shprehu gjithashtu ngushëllimet për familjen dhe komunitetin sportiv.

"Një lajm shumë i trishtë për futbollin shqiptar në këtë fundvit. Ndarja nga jeta e Kristaq Eksarkos, ish-futbollist i Kombëtares dhe i Partizanit, është një humbje e madhe për komunitetin tonë.

Kristaq Eksarko ishte pjesë e një brezi që la gjurmë në historinë e futbollit shqiptar. Ai kontribuoi me profesionalizëm dhe përkushtim si me fanellën e Kombëtares, ashtu edhe me atë të Partizanit. Dy tituj kampion dhe një Kupë Republike të fituara, si edhe paraqitjet e tij në ndeshje të rëndësishme ndërkombëtare, mbeten dëshmi e vlerave që ai përfaqësoi në fushë.

Në këto momente të dhimbshme, shpreh ngushëllimet më të sinqerta për familjen, miqtë dhe gjithë komunitetin sportiv. Kujtimi i tij do të mbetet i gjallë në historinë e futbollit shqiptar", shkruan Duka.





Lajmet e fundit nga