web counter
LEXO PA REKLAMA!

SHKARKO APP

App Store
Google Play

Mesfushori ndryshon kombëtaren, do të luajë për Kosovën

26 Gusht 2025, 18:24, Sport CNA

Mesfushori ndryshon kombëtaren, do të luajë për Kosovën

Leon Avdullahu do të jetë risia e madhe te Kosova. Mesfushori ka zgjedhur të përfaqësojë “Dardanët” në rang përfaqësuesesh.

Lojtari, aktualisht pjesë e Hoffenhaim, ka vendosur të braktisë Zvicrën, ku ka luajtur për kombëtaret e të gjitha moshave.

Presidenti i Federatës së Futbollit të Kosovës, konfirmoi se Avdullahu do të jetë pjesë e “dardanëve”, ndërsa vendimin ia ka komunikuar vetë lojtari.

Postimi i Ademit:

Pritjes i erdhi fundi, Leoni është i Kosovës.

Ndjej kënaqësi të ndaj me ju lajmin e madh se Leon Avdullahu, i udhëhequr nga zemra e tij, ka vendosur që të luaj për Kombëtaren e Kosovës. Leoni më njoftoi sonte për vendimin e madh, që pason takimin që kishim pak kohë më parë kur edhe i kishim diskutuar të gjitha gjërat.

Leoni me këtë vendim dëshmoi edhe një herë fuqishëm që Kosova mbetet zgjedhje zemre dhe se identiteti e prejardhja nuk mohohen.

Mirë se vjen Leon, le të nisim së bashku një rrugë të gjatë e të suksesshme për ekipin kombëtar të Kosovës dhe për Ty.

Të priftë e mbara me Kosovën!





Lajmet e fundit nga