Vllaznia e femrave merr 11 përforcime/ Ndeshja e parë të mërkurën ndaj Dinamo Minsk

25 Gusht 2025, 15:55, Sport CNA

Vllaznia e femrave merr 11 përforcime/ Ndeshja e parë të

Vllaznia në futbollin e vajzave ka bërë 11 përforcime në prag të ndeshjeve të turit të dytë në Ligën e Kampioneve. Sfidat e grupit të vajzave kuqeblu luhen më 27 gusht në Shkodër. Vllaznia ndeshjen e parë do ta ketë përballë Dinamo Minsk të Bullgarisë në orën 19:00 dhe në rast kualifilimi në finale, do të luajë me fituesen e çiftit Ferencvarosh-Racing Union.

Presidenti i Vllaznisë, Lazër Matija, tha se me 11 përforcimet e bëra pret një paraqitje dinjitoze për të kaluar në fazën Play Off.

"Gjatë kësaj periudhe, lojtarët janë përgatitur dhe stërvitur. Disa prej tyre kanë qënë në provë, por sot bëjmë prezantimin e tyre. Janë 11 lojtare të reja, thuajse i gjithë ekipi. Janë lojtare cilësore dhe me to synojmë kualifikimin",-tha Matija.

Disa prej lojtareve të ardhura si përforcime tek Vllaznia shprehen optimiste për një kualifikim në finale e më pas fazën Play Off.

“Ndihem shumë mirë. Ekipi po bën punë dhe besoj se do të arrijmë shumë larg me Vllazninë. Niveli ynë sa vjen e rritet çdo ditë. Kam qenë në Shqipëri më përpara me familjen, se jam shqiptaro-amerikane dhe jam e lumtur që ndodhem këtu. Besoj se do të kemi sukses”,-tha Tereza Deda.

“Që kur erdha gjeta njerëz shumë të këndshëm në Shqipëri. Vllaznia është një ekip i mirë që ka bërë histori në Ligën e Kampioneve. Shpresoj që t’ia arrijmë sërish dhe kam besim të plotë se mund t’i fitojmë ndeshjet",-tha Sophie Kastro.

“Është një mundësi e mirë në jetën time. Vllaznia është një ekip i mirë dhe me emër. Jemi stërvitur mirë këtë një muaj e gjysëm, qyteti më ka pritur shumë ngrohtë dhe shpresoj që të jap më të mirën time për ekipin dhe qytetin. Zgjodha Vllazninë si një mundësi e mirë për mua dhe do japim maksimumin për t’u kualifikuar në Play Off”,-tha Cristina Cabanas.

Në rast se Vllaznia kualifikohet përballë ekipit bullgar të Dinamo Minsk, finalja do të jetë më 30 gusht në stadiumin “Loro Boriçi” për të kaluar më pas në Play Off të Ligës së Kampioneve. Vajzat shkodrane mbrëmjen e 27 gushtit pritet që të kenë mbështetjen e tifozëve kuqeblu në këtë përballje të rëndësishme./CNA